隔住個mon都feel到恩愛。
由曾國祥執導，周冬雨、馬思純主演的電影《七月與安生》在「第三十六屆香港電影金像奬頒奬典禮」中，雖然獲得多項提名，但最後僅得「最佳原創電影音樂」一個獎項。頒獎禮完結後，曾國祥在女友王敏奕陪同下到尖沙咀出席慶功宴。提到他失落「最佳導演」和「新晉導演」兩大獎項，而爸爸曾志偉指他仍有大把機會，他即謂：「好好嘅開始，失望梗係有，最失望唔係攞唔到，係冇得同老竇一齊攞。我本身對拎獎期望唔大，但佢拎咗獎之後，我就好想攞，因為同佢同一屆拎係一件好特別嘅事。（佢有冇安慰你？）佢成日睥住我，驚我唔開心，我係對住佢笑嘅，家姐（曾寶儀）都有安慰我，話唔緊要、大把機會。我係遺憾冇得同老竇一齊攞。」又謂自己對電影同樣失落其他獎項感到可惜。
曾國祥失獎王敏奕呵番
問王敏奕如何安慰男友，曾國祥即插咀笑謂：「佢喺側邊呵我！」王敏奕聞言便反駁：「我冇呀，我淨係佢問O唔OK！」邊講邊掃對方背的她就講到面紅，非常搞笑。曾國祥亦笑指女友似乎比自己對結果更失望：「佢反應大過我！」提到周冬雨失落影后，曾國祥就指對方應該不會介懷：「我一直唔敢同佢講我一直覺得係紅姐（惠英紅）贏！」他又透露正寫新劇本，希望八、九月可以開拍。另外，失落「最佳女主角」的周冬雨則未有接受傳媒訪問。
來源 source: http://hk.on.cc
|
鍾意就快D Share啦！
|
|
|