小紅姐果然有霸氣！
新出爐金像影后惠英紅出席英皇電影安排的慶功宴，手執獎項的她在拍照後感激傳媒，她說：「多謝你哋對我咁好，我唔係最紅嗰個，我做戲真係唔叻！」又點頭感謝傳媒，其後任達華與溫碧霞都送上擁抱支持，老闆楊受成送上祝福時，她大叫：「呢個老闆無得頂！」未幾，即將上映的新片《喵星人》主角，一隻大型的貓貓「犀犀利」更跪地獻花，令惠英紅十分開心，她開香檳慶祝後更即場自隊。
她表示已幾十年無飲酒，在後台更高興得一次飲完一杯紅酒，笑謂自己未醉。談到她奪獎時感觸，她說:「講真，大半個月前已經好緊張，我係想畀媽咪一個交代，老闆因為咁而捐咗好多錢去幫呢啲病嘅人，我好希望攞呢個獎去多謝我媽媽！」
她直言這部電影是蝕錢，更謂十多年來都未試過拍一部戲而票房不到二百萬，而且劇本被多間公司拒絕開拍，因知道賺不到錢。
談到她感謝導演，更揚言下次拍該導演的電影不收片酬，她謂導演很相信她，在造型上出現意見分歧亦順從她，感激對方的信任，她說:「錢係重要，但唔係最重要，佢係我恩人，畀咗個機會我向媽媽交代。」
憶起亡母的她又再度落淚，她說:「我記得喺我媽媽捱唔住嗰陣，我話會為姓惠嘅撐住，唔會令姓惠嘅丟架，噚日係媽媽走咗第100日。」
她表示會拎埋獎項去拜祭媽媽，又謂媽媽從未讚過她，但容祖兒的媽媽就曾向她透露，她的媽媽在別人面前稱讚她，她說：「好想媽媽讚我叻女，但佢唔會用口讚，有時情緒差會問佢點解唔讚我，今次攞獎唔係為自己，係為媽媽。」
來源 source: http://hk.on.cc
|
鍾意就快D Share啦！
|
|
|