鍾楚紅話朱家鼎嘅精神永遠喺佢心中。
女星鍾楚紅（紅姑）以通花褲出席活動，她透露剛從台灣返港。問到有沒有品嘗美食？她笑說：「唔夠時間，又要減肥，條裙有窄，得23吋腰，只係食咗幾舊魚生，好大損失。（點解肥咗呀？ ）不嬲都無減過，因為減唔到。（有冇約邱瓈寬？）見咗一日。（佢係咪嬲郭富城唔請佢飲？）我唔覺得佢嬲喎，佢成日都搞笑，點會咁小事就嬲。」
亡夫似守護天使
紅姑又透露剛過去的復活節沒有出埠，因為復活節有很多教會崇拜，所以一般會留港。問到是否受亡夫朱家鼎影響而領洗為天主教徒？她續說：「佢係好虔誠嘅天主教徒，我諗我自己因為同天主教有緣份，所以有感覺有聯繫。（今年係亡夫逝世十週年，有冇悼念佢？）日日都悼念，在心中，佢好似我嘅guardian Angel（守護天使），日日跟住我。 （有冇夢見過佢？）以前有，好似我有時想去一個trip，我知佢都會想去，計劃緊嘅時候就會夢見佢，感覺好似佢陪我去咁！」
怕失禮落淚
問到是否尊重一生一世結婚承諾，所以不再婚？鍾楚紅就：「唔係咩承諾，因為愛情中喺度，心入面仲有感覺，可能我係保守啲嘅人。（咁你咪每日都戀愛中？）你哋覺得我似唔似呀（甜笑）？我接受咗佢唔係我身邊，但佢嘅精神永遠喺度，因為佢令我見識好多，所以我嘅世界大咗，我亦都成長咗，冇佢就冇今日嘅我！（所以你唔會再婚？）我冇諗過呢個問題，但係冇呢個打算，唔係對任何人嘅承諾，因為我再唔再婚唔關你事，係我嘅事！」言畢就向記者撒嬌，指不要再問，否則會忍不住失禮落淚。
來源 source: http://hk.on.cc
|
鍾意就快D Share啦！
|
|
|