伊能靜早前就同大陸老公秦昊、囡囡小米粒，參加大陸真人騷節目《媽媽是超人》，節目當然係想喺觀眾面前呈現母愛嘅偉大，點知噚日喺網上就流傳咗一段伊能靜因為疏忽，令到小米粒從BB座椅跌落地，而伊能靜見到囡囡跌落地，不斷自責到摑自己臉部。片段中，見到伊能靜原先抱住小米粒，接住佢同一名女性友人傾偈，見伊能靜將未夠一歲嘅小米粒放於BB座椅時，因為小米粒企得唔夠穩，又未坐好，而伊能靜又未有扶實小米粒，就係咁，小米粒就跌咗落地，真係見到都嚇死，而伊能靜見到囡囡跌咗落地，當時伊能靜同秦昊都好錯愕，伊能靜連忙將小米粒抱起，交俾老公幫忙O氹囡囡，而佢表情自責，走進廚房仲打咗自己幾巴，然後一直向囡囡道歉話：「是媽媽沒放好，我的錯」，然後檢查囡囡狀況，好彩小米粒並無大礙，好快小米粒就飲奶同冇再喊，但伊能靜最後還是忍不住心疼到哭了，而老公秦昊安慰完囡囡，就要安撫老婆，把一家三口抱在懷話「沒事就好」。今日凌晨12時許，伊能靜就喺微博到留下長博文，回應事件，同講吓佢嘅感受，一開始佢就話自己到O依家都唔敢睇番小米粒跌落地嘅片段。之後佢說：「有網民說米粒媽粗心，米粒媽真的好抱歉。即使平時深夜太累熟睡，但只要聽到米粒翻身都會馬上反射動作去抱着米粒的米粒媽，不知道怎麼搞的，沒放好就鬆手了，到現在還是深深自責⋯⋯⋯」講到小米粒嘅情況，伊能靜就話當日已經問咗醫生意見，亦按照醫生嘅建議觀察，佢話：「但米粒真的很堅強，晚上喝奶時，已經又變成愛笑的懵圈寶寶，第二天早上連青的部分都退了。米粒一直是個頑強的奇跡寶寶啊！」伊能靜仲話：「摔交完那晚起來餵米粒夜奶，米粒爸也起來問怎麼樣，我一邊餵奶一邊小小聲跟米粒說，對不起，寶貝⋯⋯⋯⋯。邊喝奶邊睡的米粒忽然張開了眯眯的眼睛，看著媽媽，笑成了彎彎的月亮，雖然才一下下，但我好像能聽見米粒說，媽媽不用道歉啦，因為我從來沒有怪過你啊！因為爸爸媽媽是這世界上唯一一個，當我疼的時候，會比我還痛的人啊！那晚我緊緊的抱住她，發誓一輩子子要守護好她。只願世上所有的寶寶平安長大，媽媽們再沒有傷心的眼淚。」緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」AppApp store下載：https://goo.gl/0kW2cK
Google Play下載：https://goo.gl/4K7EHw
| (網上截圖) | | |
| | | |
| | | |
| | | |
| |
|
鍾意就快D Share啦！
|
|
|