64歲嘅曾志偉縱橫影圈多年，本身有兩女兩子嘅志偉，大女曾寶儀同三仔曾國祥分別步志偉後塵加入娛樂圈，雖然孻仔曾國猷(Mark)遺傳咗老竇嘅搞笑天份，但佢只係從事幕後製作嘅工作，甚少喺幕前演出兼露面。曾國猷喺2012年同老婆張可蕙（Renee）結婚兼為囡囡搞百日宴，榮升老爺兼爺爺嘅志偉，唔單止包場送酒席，仲豪送價值七位數字嘅鑽石俾新抱同孫女。(新聞連結：http://bit.ly/2pZD4C2)但事隔一年，曾國猷老婆Renee喺網上討論區開account狂數奶奶（曾志偉老婆宋麗華）惡頂乞人憎，又恃住個女在手，當志偉係人肉提款機，之後仲俾人發現佢喺自己fb爆粗數臭老公曾國猷，甚至話結婚都係因為佢老竇係曾志偉，事後志偉話對阿仔一向處理開放態度，佢自己鍾意又搞得掂就得。(新聞連結：http://bit.ly/2pX3hlz)點知新聞浪接浪，之後連三哥苗僑偉都牽涉在內，有報道話喺志偉60歲生日，佢哋喺會展錄影完大壽PARTY，拉大隊去咗西環繼續玩，有指Renee全晚死纏三哥，玩到慶起三哥主動錫錫Renee塊面，事後呢張相流出咗俾人登出嚟，其後三哥解畫，話通常喺呢啲場合都會禮貌錫吓，唔好大驚小怪搞到世姪女，但事後有傳Renee同老公被逐出家門，冇再同老爺奶奶一齊住！到14年，曾志偉請全家去北海道度假，有報道話因為機位嘅關係，志偉同曾國祥坐商務艙、曾國猷同老婆只分配坐經濟艙，結果Renee全程黑面，嫌經濟艙又細又迫，又話志偉安排太偏心，結果只有奶奶上前安慰，志偉完全無視！
| 曾國猷冇步後塵入娛樂圈，但係都經常見報。(資料圖片) | | |
| | | |
|
鍾意就快D Share啦！
|
|
|