正所謂虎父無犬子，真係冇講錯呀！葡萄牙超級球星C朗拿度好波就係人都知，佢嘅罰球又係出晒名勁爆，不過有樣嘢，唔講你哋未必知，就係佢個仔小C朗，原來都係射得之人喎！
話說C朗尋日就喺佢個IG上載一段片，原來係佢個7歲囝囝小C朗喺一場沙地足球賽嘅比賽片段，片中只見小C朗準備主踢個20碼罰球，對方除咗排出3人人牆之外，喺門將左右兩邊同前面都擺多3個球員防守準備阻擋個波，好似真係好驚佢識衝力射球之類咁。點知鏡頭一轉，就係小C朗隊友仔先做個假身走過個波，然後輪到小C朗衝前一抽，個波又真係飛越人牆，射咗去龍門上方破網喎！
老實講，人仔細細射個咁勁嘅罰球，話佢係天才都冇乜錯，似乎真係有佢球王老竇嘅遺傳，身體內有射入世界波罰球嘅DNA一樣。唯一要彈，係小C朗唔似佢老竇，識得入完波去鏡頭面前Chok樣擺「鋪」，淨係識舉起雙手滿場飛同隊友慶祝，咁點夠威先？
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|