有嘢摸，仲要嫌軟！
藝人唐詩詠與袁偉豪為無綫新劇《棟仁的時光》開工，劇情講述飾演救護員的詩詠，要為袁偉豪人工呼吸。兩人雖曾在劇集《鐵馬戰車》中拍過濕吻戲，但袁偉豪近日留了鬚，詩詠對此表示抗拒，袁偉豪聞言笑謂：「我硬得嚟軟㗎！」
操唔到8嚿腹肌
對於袁偉豪近日爆肌示人，詩詠也故意摸袁偉豪腹肌，揚言要「check吓！」，但她卻發表摸後感說：「咁軟嘅？」被指「軟男」的袁偉豪即為自己辯護，他說：「成日硬，好辛苦㗎！」大講有味笑話！袁偉豪又指因為夏天來了，故此操Fit身形，但因為脂肪比列關係，只能操出6嚿腹肌，未能更進一步操出8嚿腹肌！
NG足六、七次
拍這戲看好去好似好享受，但事實並不是這樣！因為現場又有老鼠、「小強」等小動物出動！但袁偉豪表現相當淡定，相反詩詠就嗌到阿媽唔認得，最終NG了六、七次拍完這場口。
事後兩人接受訪問，袁偉豪就表示：「冇咩好驚，係吸咗好多地氣，見到詩詠咁驚，反而仲驚！」而詩詠表示：「見到啲識飛嘅嘢，錫完我，仲差啲入埋耳仔！我本身都好驚『小強』！」講到NG了六、七次，袁偉豪就表示事情做了好多準備，要畀到反應詩詠。詩詠拍此場口前特意去了漱口，袁偉豪就謂：「我冇呀，我都冇食嘢！」而詩詠就感覺到好Fresh，非常搞笑！
Feel唔到袁偉豪鬍鬚
兩人雖曾在劇集《鐵馬戰車》中拍過濕吻戲，問到今次人工呼吸有甚麼感受？袁偉豪笑言：「Feel到詩詠嘅暖氣！」袁偉豪留了鬚，但詩詠就謂感覺唔到鬍鬚，因為錫錫時要擘大口呀！最後，袁偉豪再自認嘴唇夠晒軟，真係畀佢笑死！
來源 source: http://hk.on.cc
|
鍾意就快D Share啦！
|
|
|