掃呢頁CODE去手機

2017年6月4日 星期日

【倫敦連環襲擊】原定8月陪囝囝去倫敦讀書 森美聞襲擊改行程 __,森美,

超欣現正於英國讀書(資料圖片)【新增內容】倫敦接連發生襲擊,商台DJ森美嘅父母剛喺黑池參加舞蹈比賽,《蘋果》致電森美問到父母平安嗎?佢喺電話表示:「爸 ...


超欣現正於英國讀書(資料圖片)

【新增內容】倫敦接連發生襲擊,商台DJ森美嘅父母剛喺黑池參加舞蹈比賽,《蘋果》致電森美問到父母平安嗎?佢喺電話表示:「爸爸媽媽今日返嚟,應該OK,發生呢單嘢時應該唔喺倫敦,爸爸媽媽安全會好啲。」森美原定計劃今年9月送14歲囝囝到英國讀書,問到計劃有冇改變?森美坦言:「英國咁快又第二單,會驚一驚呀,真係要考慮喎,但都搞咗咁耐,呢個決定要考慮清楚啲,你咁問我又驚一驚!小朋友方面要再諗吓,但應該唔會改啦,除非再發生啫。」不過,8月森美會陪囝囝去倫敦,o依家行程可能要改變:「可能會避開倫敦咁多人嘅地方,改去啲偏遠地方,因為送小朋友過去讀書,諗住用小小時間同佢去旅行睇吓博物館,佢哋未去過大英博物館,小朋友好鍾意英國歷史,想睇唔同嘅古堡。」另外,何家四房孻女超欣現正於英國讀書,問到四太梁安琪會否擔心恐襲,佢話:「超欣啱啱先返咗英國,又恐襲?擔心都無辦法,佢住宿舍,唔會亂咁出街,會打畀佢小心啲。」雖然超欣就讀的學校不在倫敦,不過身為媽媽嘅四太梁安琪難免擔心。


來源 source: http://s.nextmedia.com
鍾意就快D Share啦!