《2017年香港小姐競選》將於今年九月中舉行，上周二已有過百人參與首輪面試，並定於周二（27號）進行第二輪面試，最後再選10-12名佳麗入圍參賽。「港姐」賽事成為靚女標誌的名牌，故每年都會吸引不少社會上各階層的女士參加，報名資格年齡則介乎17至27歲為準。由於港姐向來以美貌與智慧並重，無綫今年更作全球招募，故吸引不少高材生、外國回流及混血靚女參賽，當中有來自加拿大多倫多的24歲「仙氣李若彤」Kelly，更有樂基兒師妹的模特兒外籍靚女Perrie等參選，還有「天生港姐相」的長髮盧頴萱（Cherilyn），位位來頭皆不可輕看。
不過，當日一位貌不驚人但表現自信的「酒凹律師」徐天華（Flora Tsui）卻與「十優港姐」麥明詩的男友林作份屬同行關係，而備受注目，然而她的履歷背後，原來也印證她自信其實來自一份堅持。由歌手閻奕格任提名人的參選佳麗Flora，為要圓「港姐」心願，放棄過百萬年薪來參選，日前她接受東網獨家訪問，自爆年齡達報名資格的「死線」，最後向無綫求情才可「掹車邊」獲得面試機會！
10月就28歲
今年10月便踏入28歲的Flora，於美國讀大學，主修歷史同政治，畢業時已想參加香港小姐，Flora說：「好多人都問點解要做呢樣嘢，做嚟畀人笑，唔支持我，話會畀人指指點點，我有少少怯，冇咁大勇氣，我就返嚟香港讀中文大學法律博士課程。」完成法律課程，順利成章在香港任職事務律師，Flora為圓港姐夢，決定放棄過百萬年薪，在年齡上的「死線」前決定參選。她自爆因年齡問題險連面試的機會都沒有：「我認真睇今年TVB香港小姐表格，我係有小小失望，今年講明下年3月1日前要未到28歲，但10月我已經28歲，我膽粗粗放張表格入去，一兩日之後無綫話唔得，唔符合資格，話我已經過咗年齡，之後我寫咗好長嘅email話選港姐係我夢想好想實踐，希望可以參與。」她指至少行出第一步，沒有甚麼可以後悔，Flora續說：「嗰日星期日我喺泰國練緊拳，收到email話可以去面試，好突然，即刻book機票返嚟香港，（上）星期二就第一輪面試。」
無悔參選
Flora承認以27歲之齡參選的確遲了些，問到為何這麼遲才參選，她說：「因為我一開始同舊公司簽兩年約，之後準備安排去攞律師牌都要幾個月，所以有約在身冇機會早啲去參選。攞咗律師牌同有啲工作經驗先追逐呢個夢。」Flora更謂如果今年不參選，便真的沒有機會完成自己的夢想。自爆身邊朋友指她似孔慶翔又pizza面，但她依然無悔參選：「我好開心踏出第一步，真係做啲我認為想做嘅嘢，所以係唔會話遲。」無綫高層余詠珊對Flora年齡「掹車邊」一事，她受訪時稱：「只要佢唔係40歲，見吓面冇乜所謂嘅，因為首輪面試距離賽事舉行仲有一時間，如果佢係靚到朱玲玲加李嘉欣的話，差嗰一年半年，就再諗辦法囉！大門總會為有質素嘅人而開！」
|
鍾意就快D Share啦！
|
|
|