【新增回應】大台劇《不懂撒嬌的女人》周日播完大結局，全劇平均收視有24.3點，雖然不敵《親親我好媽》嘅25點收視，但已有傳大台打算開拍續集。《不懂撒嬌》劇中演員個個執到好籌，身價攀升。劇中深情專一被封為暖男嘅Saving王浩信，更憑劇成為下屆視帝大熱。「渠王」再加「Saving」，令王浩信事業攀上高峯，不過當旺嘅佢，日接日拍劇再加宣傳冇停手，見老婆陳自瑤(YoYo)同囡囡王靖喬嘅時間少之又少。今日有報道指同老公聚少離多嘅YoYo，近日就向友人狂呻，指老公少咗返屋企瞓，就算有時唔使開工都唔見人。而喺周日(上月28日)《不懂撒嬌》大結局宣傳活動後，王浩信俾人影到深夜揸車到將軍澳嘅維景灣畔，而並非返屋企日出康城，未有爭取時間同老婆見面，加上兩公婆對教女一事上一直有分歧，更試過因為咁而有頂撞，同時，有指YoYo同奶奶關係麻麻，所以唔會帶囡囡成日返男家。老公忙唔喺身邊，有咩事YoYo要一個人頂晒，搞到兩公婆感情最近現暗湧喎。Saving王浩信今日回覆傳媒時話：「沒事，只是近排真的太忙，少了時間回家而已，多謝關心」。
| (資料圖片) | | |
| | |
來源 source: http://s.nextmedia.com
|
鍾意就快D Share啦！
|
|
|
