掃呢頁CODE去手機

2017年7月10日 星期一

淡出幕前教氣功 鄭少秋:梗係難過! __,鄭少秋,

淡出幕前教氣功 鄭少秋:梗係難過!

淡出幕前教氣功鄭少秋:梗係難過!雖然90年代淡出轉教氣功,但圈中人緣極佳的歐陽佩珊多年來也有與不少藝人聯絡,大都對其突如其來的死訊無不感意外。鄭少秋: ...


雖然90年代淡出轉教氣功,但圈中人緣極佳的歐陽佩珊多年來也有與不少藝人聯絡,大都對其突如其來的死訊無不感意外。

鄭少秋:唔知呢件事!聽到梗係好難過,以前一齊合作咁多劇集,早排佢仲有教人氣功,聽講話幾好,有武指話學咗都幾好添!

黃杏秀:曾經同歐陽佩珊合作過電視劇,但就冇對手戲。對上一次見面大約係30多年前嘅事,之前訓練班嘅同學張美琳過咗身,冇耐又聽到歐陽佩珊嘅死訊,覺得好愕然。

羅蘭:同歐陽佩珊合作過好多劇集,一時間都講唔起劇名,我哋演過母女,印象中歐陽佩珊對工作好認真。

黃淑儀:麗的時代已與歐陽佩珊見過面,我哋先後加入TVB,算係前後腳,我入去時佢都差唔多離開。

魯振順:我係跟歐陽佩珊學氣功,當年郭鋒介紹認識,因為覺得自己身體唔強壯,鋒哥話唔介意可以跟歐陽佩珊學氣功。印象中佢係一位注意養生嘅人,所以當聽到佢離世嘅消息都唔敢相信,一個咁追求健康養生嘅氣功師咁樣走咗。歐陽佩珊為人好嚴謹,而鋒哥對佢好尊重。

梁家仁:呢個消息真係令我好震驚同可惜,當年大家拍完《神鵰俠侶》之後都冇見過面。

賈思樂:收到消息好愕然,好難接受!我跟佢學過氣功,大概學咗十堂後就自己練,佢都話氣功係易學難精,叫我自己畀心機練。

林漪娸:聽到都好Sad,因為冇聽過佢有病,印象中佢係一個好好嘅老師,之前聽到有個圈內人中風,個嘴歪咗都係佢針灸好番。現階段唔會打擾郭鋒,等佢遲啲定晒所有嘢先。

甘國亮:我哋喺《執到寶》飾演兩姊弟,佢個人好爽直,唔似得有啲女演員會斤斤計較,佢一點都唔會咁,好有男兒風,好似佢離開娛樂圈都係好撇脫,唔會戀棧,呢一點好獨特。


鍾意就快D Share啦!