周董隻手臂…應該係昆凌嘅兩倍～
台灣天王周杰倫（周董）同老婆昆凌日前去咗日本旅行，包到冚嘅周董着咗件背面印上「JAYCHOU」字樣嘅衫出賣自己，搞到畀網民嘲諷佢係咪扮自己粉絲，又話「他可能覺得光明正大穿JAYCHOU別人就會以為他不是本人吧」！真係唔知周董有心定冇意咁着喇，而呢日，又有網民晒出佢哋遊日時嘅相，周董冇包到冚，但都竟然畀網民笑？
相中嘅兩人同樣着上黑色衫，周董戴住口罩，昆凌只係戴上Cap帽，喺一間時裝店拎住件衫研究，非常低調！兩公婆仲默契十足着上背心，見到昆凌生咗兩胎但手臂非常纖幼，相反周董就露出「麒麟臂」，強而有力非常「粗壯」，仲帶點肉感，搞到有網民笑謂「月子餐吃太好」，當然都有網民唔同意，話只係「壯而不是胖」！其實粗啲都未嘗唔係一件好事呀，小公主同小王子可能瞓得舒服啲呢！
網民仲話佢哋主攻童裝，而咁啱今日（10日）就係囡囡Hathaway兩歲生日，唔知係咪買生日禮物畀個女呢？
來源 source: http://hk.on.cc
|
鍾意就快D Share啦！
|
|
|
