所以君馨（中）自己都嫁得咁好～
藝人裕美在銅鑼灣出席活動，她表示自己少玩瑜伽但有跑步習慣，情況許可每日都會跑，她說：「兩年前咪傳我整容嘅，嗰時跑得最勁，隔日就會跑10km，但依家就難啲。」裕美認為做運動要身心一齊預備好，方可享受過程。問到為何現時少去跑步，她說：「前兩年可能得閒啲，依家都有唔同嘅嘢做，整吓蛋糕、餅咁，遲吓可能會拍電影。」
她又覺得現時性格比以前有所改變：「我交際能力叻過以前好多、開朗咗，好易識到真心朋友，我覺得朋友係一面鏡子，如果收埋自己就會好難有個好friend嘅關係。（有冇識到好男人？）都有嘅，了解中。講親呢樣都諗起王君馨，成日介紹男仔我識，成日教我分析啲男仔好唔好，又教我點睇男仔，喺佢身上學到好多嘢。（啲男仔啱唔啱你？）幾好，但了解緊。同埋佢話佢介紹嘅唔好會有行動嘛，有保障。自己都比以前冷靜，會用時間了解一個人。」而裕美早前跟彭懷安（Eddie）為一些貧窮家庭派發電風扇。
來源 source: http://hk.on.cc
|
鍾意就快D Share啦！
|
|
|