2017年8月18日 星期五

唐詩詠爭做老銅餅后擲百萬搶敏之頭啖湯 __,敏之,唐詩詠,詩詠,陳敏之,

唐詩詠飛日本學整蛋糕,實行與「曲奇天后」陳敏之良性競爭。
唐詩詠爭做老銅餅后擲百萬搶敏之頭啖湯藝人唐詩詠以老闆娘身份於銅鑼灣主持其蛋糕店開幕禮,女神瞇眼試蛋糕冧客,揚言賣完蛋糕做「餅后」就買樓。而「曲奇天后」 ...


唐詩詠爭做老銅餅后擲百萬搶敏之頭啖湯

藝人唐詩詠以老闆娘身份於銅鑼灣主持其蛋糕店開幕禮,女神瞇眼試蛋糕冧客,揚言賣完蛋糕做「餅后」就買樓。而「曲奇天后」靚媽陳敏之昨日亦親自為其品牌月餅拍廣告,她不諱言逐步進軍蛋糕店,說到詩詠搶了頭啖湯,敏之坦言:「有良性競爭係好事。」

娛樂圈很多藝人都有投資生意,更有不少做埋生招牌搶客,而曲奇及蛋糕這些老幼鍾愛的美食更成熱門生意,除了謝霆鋒、古巨基、陳敏之、謝寧於港島區開店外,連唐詩詠、黃婉曼、鄭欣宜都紛紛進軍銅鑼灣餅業巿場,齊齊爭做「餅后」。

昨日唐詩詠就以老闆娘身份出席有份投資、位於銅鑼灣的餅店開幕禮,更即席瞇眼試蛋糕冧客!詩詠接受訪問時坦言今次與友人合資共七位數字:「之前除了每日巡舖、做QC(品質監控)及設計餅盒外,更親身飛到北海道學整蛋糕,親力親為。(黃翠如結婚,會贊助佢結婚蛋糕?)可以整個大蛋糕畀佢!(想做商界女強人?)冇呀,其實都係機緣巧合,自己又鍾意食,咁就試吓,希望可以做得好好!」

冧掂粉絲幫襯

問到是否冇拖拍所以專心搞生意?她坦言:「都會多咗時間嘅,係一個好好嘅Timing去做。」諗頭多多的詩詠坦言,想過Rap段Freestyle為餅店谷人氣。問到是否賣完蛋糕買磚頭,她說:「可以就梗係最好都朝住呢個目標去。」詩詠忙完舖頭開幕後,在女友人陪同下匆匆離開,當她見門外大批粉絲守候即趁機拉客,與他們傾了一輪後又叫他們多多幫襯,粉絲當然大力支持,個個買到一袋二袋,期間一名男粉絲更與詩詠玩自拍。隨後詩詠急急腳步往附近酒店,趕着傾生意的她臨入門口亦與粉絲揮手道別。

陳敏之
  • 陳敏之
陳敏之要兼顧湊仔同餅店,業務發展仍十分理想。
  • 陳敏之要兼顧湊仔同餅店,業務發展仍十分理想。
唐詩詠與友人合資七位數開舖,望儲錢買樓。
  • 唐詩詠與友人合資七位數開舖,望儲錢買樓。

而「曲奇天后」敏之現時於港、澳兩地已有六間分店之多,店舖遍及金鐘、尖沙咀、天后、旺角等地,生意不俗,昨日靚媽敏之親身上陣為其品牌月餅拍攝廣告硬照,更不諱言曾打算於銅鑼灣開店:「依家雖然忙住湊仔,不過我都會盡量抽時間打理生意,親力親為,依家各間舖嘅生意都愈來愈好,之前我一直都有留意銅鑼灣啲舖位,睇過好多次,蛋糕生意真係要睇啱先得,各樣嘢要配合,自己天后有舖,所以都唔急,我都有計劃做埋蛋糕、麵包,不過工場方面都係問題,所以要一步一步嚟,等我忙埋月餅先!」

唐詩詠臨別前仍與粉絲雞啄唔斷。
  • 唐詩詠臨別前仍與粉絲雞啄唔斷。
唐詩詠心情靚爆,街頭開心自拍。
  • 唐詩詠心情靚爆,街頭開心自拍。
陳敏之唔止炮製曲奇,連月餅生意都做埋。
  • 陳敏之唔止炮製曲奇,連月餅生意都做埋。

靚媽歡迎良性競爭

談到詩詠搶頭啖湯開蛋糕店,敏之笑說:「冇所謂,我主打係曲奇,味道都唔同,我都好支持佢,今日我化妝師都有買咗詩詠嘅蛋糕嚟,我都有試過,大家交流吓,以前古巨基開曲奇店,我同佢太太都有交流心得,大家各有各做,有良性競爭係好嘅!」

文:影視組


鍾意就快D Share啦!
Related Posts Plugin for WordPress, Blogger...