好索呀！
藝人梁靖琪（Toby）向來都係鬼妹仔性格，所以喺圈中人緣甚好，而佢同佘詩曼、湯盈盈、文頌嫻、姚樂怡、周家蔚及鍾麗淇一向情同姊妹，之前Toby生日，佢哋都齊齊現身為佢慶祝，可見佢哋嘅感情幾咁深厚！
今日，Toby就喺社交網站上載咗同班姊妹一齊影嘅靚相，相中嘅七人齊齊着上白色恤衫，大玩下衣失蹤晒長腿，Toby騷長腿之餘仲大晒白滑香肩添！Toby話：「十年過去，無論人生高低，伴著（着）我一起走過，一起哭，一起笑，多少個寒冬，多少個暖夏也有你們在，多得你們不離不棄。有著（着）你們的愛，我什（甚）麼也不怕，我相信有你們，我每天也活得快樂！無言感激！#致七姊妹」唔少網民都大讚佢哋係美魔女，仲話完全睇唔出湯盈盈、文頌嫻、姚樂怡同周家蔚以為人母。
而姚樂怡亦有留言：「由同事變成朋友，朋友變成玩伴，玩伴變成姊妹！一起工作，談天說地，吃喝玩樂，互相分享分憂互相幫忙互相學習，感恩有你們！ 願我們有更多個10年！LOVE U ALL FOREVER！」
來源 source: http://hk.on.cc
|
鍾意就快D Share啦！
|
|
|
