巨肺小天后鄧紫棋（G.E.M.）曾自覺與「溫柔」兩個字扯不上關係，但時間及經歷使人成長，她發現自己近年學會向另一半展露柔弱一面，由急躁逐漸變得有耐性，她說：「例如嘈交，男仔嘈完交多數要冷靜吓，女仔就唔得，要你同我企喺度拆掂佢先，唔講完唔准瞓！依家學識可能佢真係需要時間冷靜吓先識處理問題，如果你愛佢就畀呢個空間佢！」個性男仔頭的她承認戀愛中亦有撒嬌的時候：「講嘢會突然之間細個咗10歲，唔會覺得自己太低能，低能極都係得嗰個人知，所以唔緊要！」
忙極都要見男友
今年4月，G.E.M.被拍得與造型師Mark Ngai十指緊扣遊東京，雖然她堅持到結婚才會承認戀情，但言談間亦透露與Mark在一起的原因：「我依家愈嚟愈相信你要同嗰個人成為朋友先，一個男仔要取悅一個女仔可以做太多嘢喇，但當你同佢係朋友，佢都係對你好、關心你嘅，你就會知道佢超過兩、三個月都仲會係咁對你。」兩人平日工作上有緊密接觸，似乎毋須擔心不夠時間拍拖談情，她笑言從來沒有這個煩惱，即使再忙亦會爭取時間與伴侶見面，更自爆當年還是新人時，曾趁工作之間的半小時空檔，搭車去見男友10分鐘，她不禁笑說：「都黐黐哋嘅！我依家都係咁，戀愛大過天。」
紅館騷唔預阿妹
G.E.M.將於9月15至17日假紅館開騷，她揀歌前特意搞民意調查，發現不少歌迷都想她唱Side track歌，令她非常意外。提到妹妹鄧伊伶亦是唱得之人，可會邀請她做嘉賓？G.E.M.說：「今次係我第一次香港嘅演唱會冇嘉賓，所以特別緊張，同埋幾年前演唱會有班合唱團同我一齊唱首歌，阿妹係其中一個，所以我哋已經試過一齊喺紅館演出，只係當時大家唔知。」
場地：影樓王 Studio King
髮型：Alida Yip
化妝：Phoebe Ho@Spotlight Image
造型：Mark Ngai
服裝：Popcorn General Store
|
鍾意就快D Share啦！
|
|
|
