粉絲揀咗克勤最冇「防避」嘅時候嚟集郵！
歌手李克勤接受東網專訪，問到他可喜歡被「野生捕獲」？他謂100分之99冇問題，但要唯一要視乎情況，好似：「我同啲仔一齊就唔想影相，因為怕我啲仔唔知走咗去邊，不過如果我連講五次sorry，啲人都怪我就冇法。」又指有次在香港某個廁所有「奇遇」，他謂：「有次我喺廁所『舒暢』（小便）緊，有個人想影合照，我都好驚唔影，怕佢𥄫我，要側側身遮住。」談及他太太賢妻盧淑儀，克勤讚太太保養好，而太太平時最愛煲師奶劇：「佢鍾意睇《三生三世》嗰啲，我唔明點解佢睇到喊，我梗係鍾意睇美劇啦，好似《紙牌屋》嗰啲啦。」
克勤去年簽英皇覺得是因緣際會，更以穿梭機比喻自己，他說：「2011年，我喺個唱人演唱會揀《再見穿梭機》做最後一首歌，係想講畀大家聽，穿梭機喺嗰個年代係退役，但唔代表所有嘢完咗，人生一個章節完咗，其實係另一個章節嘅開始，正如我簽英皇一樣，係時候另一個開始。」
克勤現時心態有變，今次演唱會跟以往的「好李克勤演唱會」必定不同，更承認以前很「自我中心」：「以前我鍾意自己話晒事，要帝王式咁執行，但依家用投票作定。不過唔啱我聽，我都會出聲嘅。」問到演唱會可會請譚詠麟做嘉賓令「左麟右李」再現？克勤有暗示說：「同校長（譚詠麟）感情冇變，但係嘉賓呢…我心裏有數囉。」
Styling : queenie yu
Hair : Adolph bow
Make Up : Angel Y
場地贊助：彌敦酒店嵩雲廳
來源 source: http://hk.on.cc
|
鍾意就快D Share啦！
|
|
|
