吳國敬鬧爆疑拒載嘅的士司機，喺網上公開對方資料！
歌手吳國敬昨晚開開心心演出完假灣仔舉行的慈善音樂會後，今日就在網上怒斥疑拒載的的士司機，更公開的士司機的行車證，留言：「人渣司機，XXX拒載…，大家認住佢。」
問咗三次點解
「滴着熱血插碎玻璃…」的阿敬，今回唔唱《玩火》玩「發火」，他接受東網電話訪問時，聲稱遭的士司機無理對待：「表演完音樂會由灣仔合和中心截乘的士走，當坐上的士，我同司機講：『唔該，去跑馬地呀。』個司機態度好差咁話：『唔載你，落車。』我咪問佢：『點解呀？』問咗三次，佢就答咗我三次：『唔載你，落車。』！」
被鬧人渣
阿敬不滿的士司機疑拒載而報警，經警員了解後，警員好言勸他息事寧人，初時他接納不作追究，可是該司機臨走時仍不停鬧阿敬：「人渣，阻做生意。」阿敬不滿對方仍「嗶哩巴啦」，他說：「頂佢個肺呀，我咪拍佢車同掹佢車門唔畀佢走，鬧番佢『粉腸』囉，係差人叫我算數，話的士界梗有呢啲咁嘅人。」
公開司機資料
阿敬覺得的士司機不載他，跟的士司機向警員稱指他在違例的「雙黃線上車」有出入，他個人堅信：「佢係嫌路程短，唔跳錶囉。」回家後，由於他愈諗愈谷氣，故在網上公開對方資料，他說：「佢態度咁鬼衰，我咪唱衰佢囉。」而有不少網民在網上熱烈討論此事，對阿敬的言行有支持亦有批評。
來源 source: http://hk.on.cc
|
鍾意就快D Share啦！
|
|
|