女友真係一種好奇怪嘅生物，佢哋嘅世界唔知幾時會想聽真話，又成日好鍾意俾「難題」自己男友，有啲答案答唔答都死，好似女友問：「如果我同你阿媽跌落水，你救邊個?」識玩，一定知model answer!
女友間唔中仲會有唔同「玩法」，港男想「拆彈」都唔易。
好似fb專頁就係記錄一啲男友激嬲女友嘅方法，睇見唔少港男「花式自殺」，有啲位都真係好伏，點答都係衰。Why so serious!?
「十萬個激嬲女友的理由」fb專頁噚日有個post就叫啲網民分享「一人一個拍拖中伏嘅經歷」(post連結：http://bit.ly/2wGLtlQ )，姚子羚同胡定欣無啦啦被擺上枱，有網民就問男友揀姚子羚定胡定欣，男友話梗係姚子羚，仲話姚子羚好正，點知女友忽然抽擊，反問男友：「點解你唔答兩個都唔揀，會揀我嘅?」
男友面對呢啲中伏題答案，真係幾頭痕。
呢個話題仲吸引唔少女網民即時問自己男友，唔少男友都係揀姚子羚，出晒事，有一個就揀胡定欣，「打得，可以保護佢」，有啲男友應該受過訓練，識得答「我要你」、「吓!兩個冇興趣，我揀你」，至於最高境界就係扮唔識，問番女友：「姚子羚邊個嚟?」
姚子羚現時同男友鄭子邦感情穩定，問到佢有冇check男友，姚子羚今日透過短訊回覆傳媒：「我唔會咁問，因為我會迫佢(男友)揀我。我會俾兩個我佢揀，所以最後答案都係我。Hahahha!no choice is a choice!」
|
鍾意就快D Share啦！
|
|
|