名人動態
掃億萬磚頭收租 富婆 Laura美國豪宅曝光
格言是「 Cash is King！」的富婆 Laura，近年在美國老家重鎚出擊，於紐約皇后區狂掃十多間獨立屋，揸過億磚頭收租。
做得美國億萬包租婆， Laura的 Long Island豪宅點少得氣勢，單是一個首飾箱，衣櫃咁大。
每月收租印印腳
俾人稱做富婆，絕對唔係空殼。投資有道的 Laura，去年中在美國大舉入貨，一掃十多間，每幢千萬（港幣）獨立屋，且專攻紐約交通方便，升值潛力大的皇后區。有指數口精的她，將獨立屋分層出租，每層放租約一千至千五美元，全幢租金則為三千五百美元，揸住過億磚頭收租，繼續過其印印腳的富泰生活。
放上海物業賺八千萬
一直長居上海的 Laura，近年將投資陣地由內地轉到美國老家，年初她將上海靜安區四個○三年各以數百萬買入的物業出售，每個單位勁賺二千多萬。
講到投資心得， Laura說：「我覺得內地個樓市升到差不多，係時候放手，咁美國係我老家，而且好多新移民都揀皇后區住，貪佢交通方便，所以容易放租。除咗美國，都計劃投資英國物業，不過係另一種玩法。」
她手揸紐約十多間獨立屋，部分分層出租，租金約一千至千五美元，全幢租金都只係三千五百美元，約二萬七千港元，就住到全幢獨立屋，抵
前度汪子琦留美醫病
撤出內地物業，轉移美國，咁啱得咁蹺，半年前被她狠撇的汪子琦，近日亦留美醫腸病兼修讀電影課程。問 Laura有冇同汪子琦在美國見面，及關心對方健康狀況，她只拋下一句：「祝佢身體健康！」
至於汪子琦住的地方，包租婆是否 Laura，她沒有正面回應：「若果佢開聲要幫，唔好話出租，豪俾佢住又點話。」呢啲舊愛，喺邊度搵！
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|