欣宜突然上載3條片，佢話跌斷咗隻腳，要入院同做手術！
歌手鄭欣宜（Joyce）今日突然喺社交網站上載三段短片，片中嘅佢面容憔悴，原來佢早幾日跌斷咗隻腳，要入院同做手術，不過唔想大家擔心，所以依家先話畀大家知，上載10月31日拍緊嘅！佢話：「依家係10月31，我依家喺養和醫院病房入面，因為我跌斷咗隻腳，啱啱見完我主診嘅骨科醫生，佢同我講要做手術，除咗骨斷咗之外，我最關心嘅係之後嘅我嘅靈活性。」
講到呢度Joyce已經忍唔住眼濕濕，期間仲喊到講唔到嘢：「會唔會似番我之前嘅靈活性呢，大家都知喺台上面我好紮紮跳，我好鍾意跳舞，我好驚做完手術隻腳會唔似之前咁靈活，For長遠嚟計係要做手術，但時間好緊逼，依家10月31號，但我4月22號會開我人生嘅個人演唱會，我希望我可以最佳狀態，可以好忘我、好放、好投入咁表演畀大家睇，所以我決定我一定要做手術，惟有做完手術，落力啲辛苦少少做物理治療，大家放心我唔會因為呢一隻腳停咗我，阻止我嘅紅館夢，大家可唔可以為我加油呀？」
而欣宜嘅經理人接受東網訪問時就透露欣宜已經做完手術同出咗院，網友就紛紛留言叫佢加油努力，仲話睇見都好心痛，希望佢早日康復
來源 source: http://hk.on.cc
|
鍾意就快D Share啦！
|
|
|