【加油呀！】fb拍片自爆跌斷腳入院 欣宜哽咽擔心影響靈活性 __,欣宜,

鄭欣宜近年主力發展歌唱事業，成績仲有目共睹，去年仲憑《女神》橫掃各大頒獎禮。不過好不幸欣宜今日post咗條片，佢瞓咗喺病床上，原來佢因為跌斷腳入咗養和 ...

鄭欣宜近年主力發展歌唱事業，成績仲有目共睹，去年仲憑《女神》橫掃各大頒獎禮。不過好不幸欣宜今日post咗條片，佢瞓咗喺病床上，原來佢因為跌斷腳入咗養和醫院。

佢話：「早晨，o依家係10月31號朝早10點10分，我o依家喺養和醫院嘅病房入面，因為我跌斷腳，啱啱見完主診嘅骨科醫生，呢兩日都同我講話我要做手術，因為除骨斷咗之外，我腳骨移咗少少位。」佢仲話好擔心做唔做手術，都會影響到佢嘅靈活性，佢仲話：「大家都知喺台上嘅我係好紮紮跳。」講講下欣宜仲開始哽咽：「我好鍾意跳舞，好驚做完手術冇以前咁靈活。」不過佢就話為長遠係要做手術。

佢仲講時間好緊迫，因為嚟緊4月22日就會開佢人生第一次紅館演唱會，佢話：「當然我好希望以最佳狀態、好忘我、好放、好投入咁去表演畀大家睇。所以我決定我係要做手術。唯有做完手術辛苦少少做物理治療，我唔會因此呢隻腳而停咗我、或者阻止到我紅館呢個夢。」佢仲話希望大家支持下、鼓勵下佢咁話。

更多娛聞，喺晒《娛果》

http://fb.com/appledailyent

	欣宜喺fb拍片自爆跌斷腳入院要做手術。(fb截圖)	(fb截圖)
欣宜嘅腳傷，打晒石膏，陰公！(ig截圖)

來源 source: http://hk.apple.nextmedia.com

鍾意就快D Share啦！

下一篇 》