因為雙宋婚禮招來連串負評嘅章子怡，又有新作——不過，唔係俾負皮，而係俾正評。
話說，日前章子怡上大陸節目《演員的誕生》，擔任導師一職，當看到楊玏表演的作品後，佢突然派洋蔥，話：「我的大女兒，她不是我親生的，她缺失很多母親的愛，但是我很幸福，因為我有緣認識了她，有緣成為她的母親，我要把我所有的愛，也許會勝於我親生的女兒，我都願意給她。」章子怡所講嘅大女兒，正正就係老公汪峰與舊愛葛薈婕所生嘅11歲大女「小蘋果」汪曼熙。至於章子怡與汪峰所生嘅女，只有歲幾。
章子怡一番感言搞喊好多觀眾，至於小蘋果生母葛薈婕暫未有咩回應。
由拍拖開始，章子怡一直努力做好佢嘅繼母角色，例如去年4月10日，章子怡為醒醒搞百日宴，繼女小蘋果亦有到場，仲喺台上表演彈鋼琴。大陸傳媒報道指章子怡好親切咁稱呼佢做「大女兒」，而小蘋果就叫咗章子怡一聲「媽媽」，小蘋果即淚灑當場，章子怡馬上將醒醒交俾江峰，自己就好心疼咁攬實小蘋果，幫佢抹眼淚，唔少網民即封章子怡做「中國好繼母」。
今年6月汪峰46歲生日，男方喺微博到貼咗佢同章子怡、囡囡醒醒及「小蘋果」一家四口合照，小蘋果更負責抱住妹妹，感情相當不錯。早兩個月微博都有人上載章子怡帶埋醒醒同小蘋果探班汪峰嘅相，一家四口有講有笑，小蘋果仲高咗好多，超短褲露出長腿，遺傳晒生母葛薈婕優點。
不過就咁，雖然章子怡咁努力，但都有失策時。一次汪峰接受《魯豫大咖一日行》訪問，就唔覺意爆咗原來小蘋果係同嫲嫲同住，唔係同章子怡住，令其好繼母形象崩潰，更有網民話難怪葛薈婕斥章子怡是「心機女星」，指章子怡「消費她女兒」和「作秀」。(相關連結﹕http://bit.ly/2nXmzGr )
更多娛聞，喺晒《娛果》
http://fb.com/appledailyent
|
鍾意就快D Share啦！
|
|
|