掃呢頁CODE去手機

2017年11月23日 星期四

【話會隨遇而安】今日傳遭封殺 張繼聰拍片認停工 __,繼聰,張繼聰,

(張繼聰Instagram截圖)喺大台上位快如火箭嘅張繼聰,今日有傳受老闆蕭定一同大台之間嘅追數問題所累,無辜被拖落水遭封殺。(新聞連結:http:/ ...




喺大台上位快如火箭嘅張繼聰,今日有傳受老闆蕭定一同大台之間嘅追數問題所累,無辜被拖落水遭封殺。(新聞連結: http://bit.ly/2A3iQhn )

就呢件事,今晚阿聰喺自己個Instagram度拍片交代,佢話:「大家好,咁今日呢出咗單新聞之後…多謝大家嘅支持,可能嚟緊有一段時間呢,唔可以再喺嗰度出現,有一啲說話都好想同大家交代嘅。首先係喺過去嘅日子,好感謝TVB對我嘅栽培,俾咗好多機會我,好多謝珍姐,入邊有好多台前幕後嘅兄弟姊妹,好多謝你哋,你哋俾咗好多好美好嘅回憶我。喺將來嘅日子呢,我會繼續努力,同埋喺我嘅作品入面,磨練我自己嘅演技。」

雖然同大台「暫時」緣盡,但阿聰都不忘宣傳自己有份主演嗰套台慶劇,佢仲好hard sell咁話自己都有追睇,佢仲話:「喺生活裏面,我覺得最緊要隨遇而安,我會繼續努力㗎!Thank you!」

更多娛聞,喺晒《娛果》

http://fb.com/appledailyent


鍾意就快D Share啦!