呢張「世紀合照」要靠袁偉豪先影到！
無綫周日將會舉行《萬千星輝賀台慶》，近百小生花旦今晚於將軍澳電視城為當晚的開場序幕綵排舞蹈，當中不少藝人情侶亦同場，包括袁偉豪、張寶兒、楊明、莊思明，以及昨日被拍得一同行街的謝東閔及朱智賢（朱朱）等。
記者要求謝東閔與朱朱合照，二人顯得相當避忌，謝東閔即時耍手擰頭拒絕，朱朱則拉馮盈盈、張寶兒、張秀文等合照，最終二人找來袁偉豪及張寶兒做「電燈膽」，但袁偉豪十分「識做」，主動與謝東閔調位，讓這對緋聞情侶成功「合照」。但大合照時二人明顯隔開一段距離。
朱朱與張寶兒一同接受訪問，問到是否同謝東閔拍拖？朱朱否認說：「唔係！純粹出吓街啫！」問到二人為何同行？她即尷尬笑說：「我哋啱傾！（係咪拍拖？）睇佢造化！了解吓先！」講到二人在台上拒絕影合照，朱朱說：「覺得怪怪地，尋日影完我又寫段嘢，今日又叫我同佢影張相。（張相）真係影到我好樣衰。」她續指未被家人追問戀情：「屋企人不嬲唔管我嘅嘢，好自由，自己識諗就OK。」問到覺得謝東閔有甚麼優點，朱朱說：「佢好有愛心。我同佢都鍾意狗，加少少分。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
