「六嬸」方逸華因病安詳離世，享年83歲，一向尊敬方逸華的陳志雲，當年在任無綫時與方逸華在公在私常有接觸感情非淺，方逸華突然病逝，陳志雲於早上的電台節目中亦有談到與方逸華的點滴，節目開始時更播出方逸華主唱的國語歌《花月佳期》，志雲表示收到方姐（方逸華）離世消息感覺好突然，之前都聽聞她有入過下醫院，打聽過消息她沒有大礙，但之後都知道她沒有返工，因平時探訪她會去她寫字樓，所以她沒返工之後就沒機會探望她。
對後事已有安排
志雲稱：「方姐都係一個有準備嘅人，相信佢有為自己離開做好一切安排，試過我去佢寫字樓見到佢放滿一堆一堆嘅物件，佢都話人老都會離開呢個世界。」講到方小姐好冇提過後事點安排？志雲謂：「耐唔耐都有提吓，佢有話阿Sir離開之後有我辦理佢身後事，咁到時到我離開邊個辦！咁當然都會有好多人幫佢處理。（有冇提過死後佢想點嘅形式？）佢有㗎，佢話唔想大家好哀愁，好似一般要鞠躬，佢想係朋友嘅聚會，好似當日阿sir都係咁，大家企埋飲嘢食嘢懷緬下，當然後來方姐有冇改變咗意思，咁我就唔清楚啦。」
陳志雲又講到其實方小姐都沒有真正退休，很多事一樣親力親為。陳志雲亦表示方小姐為人節儉：「佢應使得使，好似如果啲人做得嘢，覺得要畀高啲人工，如果做得唔好嘅人就唔好留。方姐係做採購出身，所以佢有一個採購程序嘅會，佢問大家呢樣嘢究竟有冇講價㗎？係咪最平？佢試過喺大家面前親自打去供應商，可能供應商話冇得平，咁佢就話：「我係方小姐喎，我都冇？我喺咁多同事面前打畀你哋喎！最後佢都係成功攞到平價。 」陳志雲覺得這就是應使得使，食飯方姐一定是她請客，同她爭付錢，方姐會真的嬲，但她會check單，計多了一杯飲品都要計清楚，但她給貼士可能是一百甚至一千都會照畀。
志雲稱：「尋晚聽到呢個消息之後我有和梁乃鵬博士通過一個簡訊，咁佢就話去緊搵佢屋企人，同埋幫手睇吓有咩安排，而安心嘅係知道方小姐離開時係冇任何痛苦，相信識得方小姐嘅人，都會懷念方小姐。」
|
鍾意就快D Share啦！
|
|
|