熱爆娛樂: 富二代硬撬威迫結婚黃心穎急掟馬國明：一係結婚一係分手 [壹週刊

2017年12月21日星期四

富二代硬撬威迫結婚黃心穎急掟馬國明：一係結婚一係分手 [壹週刊 - 1450] __,心穎,富二代,馬國明,黃心穎,M1,

曾經在人前甜蜜，但近日於台慶頒獎禮記者會，馬明和黃心穎在台下零交流，雖然馬明是視帝大熱，但心情麻麻，黃心穎反而非常風騷。

娛頭

富二代硬撬威迫結婚黃心穎急掟馬國明：一係結婚一係分手

入行十八年，馬國明終於憑《降魔的》成為視帝大熱，但事業得意，愛情失意。跟黃心穎拍拖兩年半，剛被女方急掟。事緣 43歲馬明想拉埋天窗，但 28歲黃心穎難抵對方太宅，又對她不夠關心，兼且仍有大把市場，所以堅決拒婚，但馬明企硬威迫：「一係結婚，一係分手！」結果「婚」變「分」。狠心斬纜後，黃心穎即有富二代火速攝位，再投入新戀情的她開工亦有保母車接送。狠撇馬明，只因有後路！

心淡係時候醒

《降魔的》全城熱爆，馬國明等叫胡稱帝。雖然在台慶頒獎禮記者會，馬明與首次提名視后的黃心穎互撐為對方拉票，但這對公開情侶，台下卻零交流。

近日在上海拍罷電影《美麗戰爭》的馬明回港放假，週日（十二月十七日）出席完公開活動，他沒陪女友，只是一臉頹樣單拖逛街後回家。原來他已被狠飛，黃心穎更差不多無縫交接，即刻有富貴新歡。

「其實佢哋一向有問題， Jacqueline（黃心穎）本身係馬明 fans，之前都係佢主動埋馬明身。拍拖頭一年，佢送咗隻幾萬蚊嘅手錶俾馬明做生日禮物。但咁耐以嚟，馬明冇送過乜嘢俾佢，亦未同佢去過旅行，連佢開到口話想睇北極光，因為全家人都睇過，馬明都冇表示。而且馬明咁重視家庭，乜嘢都係家人為先，但一直都冇帶過佢見過家長，梗係心淡佢當馬明係偶像，一齊過叫做圓咗心願，都係時候醒。」知情人說。

曾經在人前甜蜜。

保母車接載:上週五（ 15日）黃心穎單拖出外，更有保母車接載，明顯升呢！

分手回應:本週二黃心穎被問到聖誕節會否同馬明過，她只係話同屋企人過。當求證她與馬明分手一事，她說：「你哋估吓」不肯直接回應。

冇見面:馬明難得放假，但黃心穎並沒見他，反而自己周街逛，寧願獨自去配眼鏡。

週日（ 17日）馬明出席完活動，黑口黑面單拖回家，有點落寞。

家姐反對婚事

發現女友有離意，馬明即刻做嘢，希望結婚箍實黃心穎。但她事事同家姐黃心美商量，失婚心美不想妹妹步自己後塵，極力反對，令二人加速玩完。

「佢先至二十八歲，結婚會唔會太早？我當年結婚亦都二十八歲，只因一時衝動，奉勸佢要等腦囟生埋先計劃結婚。（但馬明已一把年紀。）嘩！唔話佢年過半百已好好哈哈！」黃心美說。

馬明亦企硬，談到跟黃心穎的關係時，竟說：「我覺得有時唔需要交代得咁清楚，總之我哋一係結婚，一係分手。（有信心？）唔知。」

女友去意已決，但天然呆的他仍然「呆」到底，近日揚言不介意跟黃心穎「情侶檔」，又謂可開價高些，除仍抱一線希望，亦因公司一早為他們接下情侶檔外快，唔想壞了事，暗裡已分手的馬明同黃心穎，惟有繼續強撐。

埋富二代堆:近期黃心穎埋富二代堆，之前跟皮草大王長子王大業（左二）、丁子高等食飯唱 K，但拍照時她非常小心，遮面好避忌。

過去黃心穎鏡頭後打扮隨意，但近期名牌滿身，菊池健手作飾物有價有市，「一條毛」都要三千起錶，她的頸鏈價錢有數得計。

去年出席薛世恒生日派對，黃心穎被不少公子抄牌，積極釣金龜。

以前愛穿贊助品牌的服裝，但黃心穎狂掃名牌，買齊 Gucci T恤黑白各一，配 Chanel外套。

名牌滿身:七萬元新款 Hermes Birkin bag，豪！

換富二代蒲腳

但據知黃心穎近期已被一名富二代追到手，換畫兼換車，一向揸 Jeep開工的她，近日出席活動亦有保母車接載。同時打入富二代圈子，近日蒲腳改為何超雲舊愛、皮草大王長子王大業同莎莎女婿，為保持低調，黃心穎跟他們合照都遮面，非常小心。

事實上，黃心穎一直想釣金龜，去年便在薛世恒生日派對狂識富二代，好進取。

「 Jacqueline本身家境唔錯，爸爸喺美國行醫，佢喺當地出世，之後全家移民加拿大，大個咗先至回流香港。而且佢同家姐一樣，有唔少司儀工作，都算賺到，今年佢以八百幾萬購入啟德新盤「天寰」一個兩房單位，又同家姐心美合資四百二十萬喺加拿大買樓。」知情人說。