天佑:買咩好？又南:乜都掃啲（設計對白）
探熱針
再合體勁賺 Shine狂掃聖誕禮物冧同事
由徐天佑及黃又南 00年組成的 Shine， 07年宣布拆夥，直到 12年，因黃偉文演唱會再度合體，重生勁賺。明年 3月又再舉行紅館演唱會，趁聖誕佳節，天佑與又南夾份掃禮物送俾公司同事，抵讚！
認錯天佑是城城
日前，在銅鑼灣利舞臺的平民服裝連鎖店見到 Shine，天佑與又南一人一個購物袋，揀衫揀褲揀公仔，雖然是平民貨，但勝在物輕情義重。由於臨近聖誕節，店內很多人，見到二人忍不住舉起手機拍照，又有人認錯天佑是郭富城，望着他大叫城城，認真搞笑。
各自要養家
Shine在店內逛了廿分鐘，揀了不同的物件，據知二人是揀聖誕節禮物送給公司同事，答謝他們。
「天佑同又南近期為咗出年嘅個唱成日開會，佢哋合體後多咗唔少工作，賺到錢又想買啲小禮物送俾公司同事，聖誕節公司會搞 party，咁買定到時送俾佢哋。又南爸爸有腦退化要養家，天佑又要養老婆，所以買啲平嘢，有心就得。」 Shine身邊同事說。
掃完貨後， Shine離開時被途人圍住集郵，見到大家這樣熱情，天佑同又南當然做「順德人」，有求必應。擾攘了十多分鐘後，滿足晒大家才上車離開，認真唔話得！
苦練舞蹈
自從一二年在黃偉文演唱會現身大受歡迎， Shine合體重生，同年十二月已舉行除夕跨年演唱會。相隔五年， Shine將於明年三月舉行一連兩場《 SHINE。 MOMENTS Live 2018》，據知天佑與又南正苦練舞蹈，希望到時有勁歌熱舞，俾樂迷見到不一樣的 Shine，難怪現在要趁空檔，先為同事預備聖誕禮物。
撰文：娛樂組
攝影：余一駱
來源 source: http://hk.next.nextmedia.com
|
鍾意就快D Share啦！
|
|
|
