掃呢頁CODE去手機

2017年12月28日 星期四

一星期睇足六晚 TVB力谷江美儀爭視后 [壹週刊 - 1451] __,視后,江美儀,TVB,M1,

探熱針一星期睇足六晚TVB力谷江美儀爭視后今年TVB《萬千星輝頒獎禮》,因為要遷就《溏心風暴3》播晒全套劇,所以推遲到明年一月中才舉行,視帝就只得馬國 ...






探熱針

一星期睇足六晚 TVB力谷江美儀爭視后

今年 TVB《萬千星輝頒獎禮》,因為要遷就《溏心風暴 3》播晒全套劇,所以推遲到明年一月中才舉行,視帝就只得馬國明同王浩信單挑隻揪,反而視后就競爭激烈得多,除了先拔頭籌攞咗新加坡視后的李佳芯及馬來西亞視后宣萱之外,仲有民選視后唐詩詠,都係大熱人選,為了要加強刺激度,最近 TVB更以密集式攻勢催谷憑住《親親我好媽》爆出的江美儀,搞到戰況更加激烈,誓要令頒獎禮增加話題性,刺激收視。







早前江美儀同黃智賢在中環大會堂,拍攝一場示愛戲份。





余德丞





江美儀、黃智賢同余德丞攬到咁實,到底佢哋係乜嘢關係,黃智賢會唔會先係余德丞個親生阿爸。

競爭激烈

原本以為台慶劇《溏心風暴 3》係威係勢,點知雷聲大雨點小,收視一直下跌,得番二十點邊緣, TVB諗住靠《溏心 3》可以炒㷫頒獎禮,連頒獎禮都特別為他們將原本十二月舉行,推遲到明年一月廿一日,如今如意算盤打唔響,視帝一獎只有馬國明同王浩信可以爭,其他人表現未去到有資格加入戰團,賽果多數意料之內,無驚喜!

反而視后一獎,就競爭激烈得多,之前攞了新加坡及馬來西亞視后的李佳芯同宣萱,忽然變成大熱門,而喺《不懂撒嬌的女人》搶去宣萱唔少風頭的唐詩詠,亦贏盡民心,被推舉為民選視后,仲有一個不得不提,就係第一次做女一的江美儀,亦憑年初高收視好口碑劇集《親親我好媽》殺出爭女主角。





呢場戲黃智賢需要跳晒舞。





拍完一個鏡頭,他已經滿頭大汗。





為了要食住《親親我好媽》個勢,《誇世代》臨近結局都特別搵來「嚴生」黃智賢客串,做江美儀的初戀情人,同關禮傑爭女。

吐氣揚眉

由於江美儀唔係 TVB親生女(經理人合約藝員),加上套劇三月播出,去到年尾大家未必仲好有印象,所以最初都以為江美儀只係陪跑分子,點知 TVB為了要增加更多話題性,要令視后一獎競爭更激烈,於是在十一月特別推出五集單元劇《再親我好媽》,加強番觀眾記憶。

又將江美儀有份演出的倉底貨《性在有情》在這段時間推出,加埋《誇世代》及《街市遊樂團》,一星期七日裡面,有六日都會見到江美儀。

「因為《親親我好媽》係杜生(杜之克)第一部落手落腳搞嘅劇集,好多人最初都睇死部劇一定仆梗,點知叫好叫座,爭番一口氣,所以杜生好睇重呢部響朵之作,都想套劇可以有獎攞。」一名幕後工作人員說。





今年視后競爭激烈,李佳芯、宣萱同唐詩詠都係大熱門人選。





宣萱





李佳芯

喊晒拉票

而江美儀早前在 TVB舉行的盆菜宴上拉票,更激動到忍唔住喊晒,她表示:「入咗 TVB十一年,終於有機會做女一,拍到《親親我好媽》發生咗好多事,但係我只想話俾大家聽,我只係想堅持拍好電視劇,做好每一個角色。」

問到江美儀知唔知 TVB想力谷她爭視后,以密集式攻勢曝光,她就表示唔知 TVB有這個安排,「咁啱得咁蹺,我冇諗過《性在有情》會喺呢段時候播,而家變咗一個禮拜七日,有六日都喺電視見到我,其實係開心嘅,但係都有壓力,成日見,人哋會唔會睇厭呢,不過可以俾觀眾見到我有唔同角色或表現,都係一件好事。」

至於有冇信心攞到視后,江美儀就話:「梗係無啦,實在要太多嘢配合先攞到嘅,但係大家近排成日見到我,都可以提吓大家投票俾我,如果大家都鍾意《親》劇,又感受到做媽媽嗰種偉大,又或者覺得太太喺屋企照顧仔女原來係咁辛苦,都請投『嚴太』一票。」





《親親我好媽》有口碑之餘,又有收視,平均有二十八點收視,而《同盟》亦一樣係二十八點,都是今年 TVB最收得劇集之一。





因為《親親我好媽》在年頭播出,大家未必仲好有印象,在頒獎禮上可能會蝕底,所以 TVB特別拍多五集《再親我好媽》,令觀眾對呢套劇回復記憶。





《再親我好媽》





江美儀為自己拉票時,一時激動忍唔住爆喊。





今年視帝來來去去都係得馬國明同王浩信之爭,唔夠刺激。





馬國明

撰文:娛樂組

攝影:王志輝


鍾意就快D Share啦!