陳志雲大讚唐詩詠係人才！
藝人唐詩詠於電台節目上透露2004年初入無綫時月薪只得三千港元，陳志雲於兩、三年後主動為她爭取加至萬多元，直播期間更不禁感觸落淚。
陳志雲接受訪問時表示：「其實我唔記得有件咁嘅事，有同事畀個短訊我，話唐詩詠接受訪問時因為我喊，我仲以為乜嘢事？原來再問先知係加人工嘅事。佢之前唔係經理人合約，後來轉咗合約關係，中間都有經過我，我都係隱約記得，但唔係記得太清楚。我唔敢話幫，佢係一個人才，就算嗰時在位唔係我，（公司）都一定會挽留佢，令佢嗰心喺番無綫多啲，佢係靠自己，唔係靠人。」
問到有沒有其他藝人要求加薪，陳志雲說：「一定有。因為無綫都係一個重視人才嘅機構，希望好多藝人都可以留低，為公司服務更多。（有邊個？）咁耐真係唔記得。」陳志雲又對詩詠的公開感謝他有一番感覺：「我只係做緊我應該做嘅事啫，佢唔需要特別多謝我，其實佢多謝身邊屋企人同朋友支持佢。因為做呢行唔容易，要初初捱嘅日子係辛苦。我希望佢喺呢行更加油，有更美好前程。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
