隔住個Mon都Feel到佢甜絲絲。
幸福人妻藝人陳爽婚後先後誕下一子一女，現年分別三歲及未滿一歲，陳爽的夫家三代經營蔘茸海味生意，屋企做海味，自然日日進補冇停手，她說：「每日食少少燕窩，每個禮拜食吓冬蟲草、花膠、阿膠，有時加海蔘，有時鮑魚，通常老公煮，佢煮海味好叻，由細到大學咗好多知識，嗲吓佢就會整畀我食。」每年過農曆年，由於親戚眾多，年初一拜年至年初七，送海味籃送到手軟，幾年前創立骨膠原專門店的她，今年突發奇想，與時裝設計師何國鉦合作推出富藝術風格的海味籃，早前陳爽便做「女工」，在放置海味的雀籠上裝加上蝴蝶裝飾，似模似樣。
樂做幸福小女人
對兩人首次合作，何國鉦取笑陳爽唔醒目，他笑說：「識親嘅靚女都幾醒，但同佢識耐咗，發覺原來佢係儍儍地嘅小女人。」陳爽說：「我唔太鍾意用腦，太辛苦，（老公有無讚你今次醒目？﹚老公好有腦，因為每一次佢都係啱嘅，無論大事小事，每次佢話咁做，我唔同意，但最後我都會後悔，不過今次佢贊同我，佢做後台支持我。」
帶仔女去旅行做足準備
去年聖誕陳爽夫婦首次「2打2」，在沒有傭人姐姐陪同下帶子女去澳門旅行，笑言旅程中兩大人儼如做苦工，極為痛苦，不過農曆新年決定再度挑戰，並遠征至紐西蘭長途旅程，難度升級，她說：「經過上次教訓，兩個小朋友瞓覺時間要控制好啲，唔使帶太多衫，同埋行李篋改用一個大篋可以騰出手拎其他嘢。原本有諗過只帶大仔去，但老公唔捨得細女，不過今次喺當地請咗個兼職保母，佢係一個好可愛嘅女大學生，最開心係佢識影相，順便可幫忙影下相。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|