小雪08年帶女兒Ronni再嫁，第二任陳姓老公為澳洲籍華人，惜這段婚姻最終在14年結束，小雪為了子女，選擇繼續留澳洲生活。回憶當年在澳洲，雖然有居留權，但人生路不熟，小雪坦言偶爾會遇到麻煩事，幸每次有需要時，總會有好心人出現助她解困。
小雪說：「嗰時自己一個女人仔，要照顧一對子女，真係好多嘢要兼顧，而且對澳洲啲法例同福利都唔係咁清楚，好彩有次遇到一個喺澳洲住嘅韓國人，佢見到我一個人帶住兩個小朋友，問我係咪單親媽咪，然後教我申請一啲津貼，結果喺第二個月，我就發現銀行多咗大約港幣幾萬蚊嘅錢，雖然唔係乜嘢巨款，但好幫到我哋。」
向來慳家的小雪，表示在澳洲生活支出比香港更少，跟老公及一對子女去郊外玩都可以好開心，她又說：「我都教一對小朋友要節儉唔好浪費，出街食飯食到唔好味嘅嘢，都要食晒佢，真係好嘅一餐，唔好又一餐，慶幸佢哋都好乖好聽話。」
採訪：小米
來源 source: http://hk.entertainment.appledaily.com
|
鍾意就快D Share啦！
|
|
|