港姐出身嘅41歲藝人陳伶俐與林敏驄育有兩個仔仔，兩人離婚後各自各精彩，陳伶俐喺2012年再婚下嫁富豪老公劉頌銘，並為對方誕下一子。今日係長子Lincoln嘅19歲生日，眼見仔仔終於大個仔，作為媽咪嘅陳伶俐當然好高興，仲喺社交網寫下一封感人嘅信畀仔仔。當中陳伶俐提及當年再婚一事，原來仔仔Lincoln一直好鼓勵佢再婚，仲喺佢擔心會失去一對寶貝仔嘅時候，講咗一句：「到時我們成家立室，得你自己一個人，我們仲內疚」令陳伶俐感動不已，話好感激上天送咗一對寶貝仔畀佢，又指係仔仔成就咗今日嘅佢。
陳伶俐亦上載咗一張Lincoln嘅DSE成績單，見佢全部科目都考獲5*或以上，成績彪炳！仔仔咁懂事又係高材生，難怪陳伶俐好放心，喺信中講明以後都會全力支持仔仔，又叫佢好好享受大學生活。
長文如下：
「給Lincoln的信：
多謝乖仔，你很有心思和努力地在2017年我40歲，送了一份很大很大的禮物給我！還對我説：『媽咪，我好想為你做點事.....』我真的感到欣慰，更感動得流下淚來（放心，這是開心的淚）。19年前的今天，剛到22歲的我，不理世俗眼光，義無反顧、排除患難，堅決地把你帶來這裏，跟自己説：『要為自己的任性，負上一世責任！一定要好好把你養育成人！』就是這份任性，所以更努力工作，更拚命去生存，靠自己的一雙手，要做好母親的職責！
2010年，你鼓勵我去拍拖，跟我說：『找個男人好好錫你，倍下你去旅行玩下，都成33歳成日做嘢都沒有認真去玩下.....』原來，11歳的你知道我那廿幾歲的生活瑣碎事。2012年，我問你：『阿仔，點算好？有人竟然向我求婚.... 』你興奮地説：『梗係結』但我答：『我怕...更怕失去你們...我會內疚的...』你搶着説：『到時我們成家立室，得你自己一個人，我們仲內疚』説到這裏，涙，今次是感觸感恩的涙，真的要多謝上天送給我『這對寶貝仔』，我的幸福快樂是你們送給我的。
今天，你就19歲了！媽咪真的好高興，高興的是你的懂事和生性，令我想起那些過去苦與樂，一切一切都是值得的！多謝你陪我過度那些年，那些事！祝你生日快樂！身體健康！繼續享受你的大學生活，他日你想做甚麼，我都一定會全力支持你的！ 你也要好好享受和珍惜你的時光！再一次多謝你，是你成就了今天的我，乖仔Lincoln。
永遠愛你的媽咪」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|