熱爆娛樂: 【狗仔出更】分手五年仍單身 28歲超雲反璞歸真索過以前？ _

2018年3月2日星期五

【狗仔出更】分手五年仍單身 28歲超雲反璞歸真索過以前？ __,超雲,

賭王何鴻燊嘅三房女兒何超雲，上周日現身跑馬地養和醫院，同行仲有一名女助手，估計去探望爸爸。當日下午四時許，化上淡妝嘅超雲一身輕便服裝，穿一件黑色連身短裙，露出一對白滑美腿；條裙嘅背面有大V，但佢都好錫身，加襯多一件白色打底背心。

超雲一落車有兩名保安員好興奮咁走埋去開車門，可能想趁住春節逗利是，但超雲都未結婚，所以拎住布袋同手機，就急急步入醫院大堂。

超雲自從2013年同陳山聰分手後，雖然不相往來，但大家都因為呢一段情改變咗好多。以前嘅超雲作風高調，喜歡時尚打扮，經常孖住山聰襯到絕咁出席公開場合，但現在就歸於平淡，着衫都係以舒適為主。雖然何猷啟(Orlando)曾向傳媒透露家姐超雲不乏追求者，但超雲似乎想寄情工作，專心幫媽咪、三太陳婉珍打理生意，唔使工作就留喺屋企做個貓奴，近年佢嘅ig大部份都係同貓貓影嘅合照。剛過去嘅情人節，超雲都呻自己仍然單身，好彩仲有一班錫佢嘅朋友送花安慰吓。

而山聰都唔再係「肥山聰」，分手後愛上跑步，努力拍劇之餘，仲有位感情穩定嘅女友Apple，早前佢仲話有打算明年結婚添。(相關新聞： http://bit.ly/2BPTypP )。

精選娛聞，喺晒《娛果》

http://fb.com/appledailyent

何超雲日前去養和，一身樸素打扮，與昔日大相逕庭。(攝影﹕黃曉程、羅德光)	超雲一落車，先後有兩名保安幫手開車門。	超雲比以前瘦咗一個圈，化上淡妝更加清麗。
		超雲同山聰拍拖時，好鍾意情侶裝現身。(資料圖片)
20出頭嘅超雲，經常都會轉新look，喺網上與人分享。(ig圖片)	(ig圖片)	超雲現在變咗貓奴，經常喺ig貼同貓貓合照。(ig圖片)
超雲同細妹超蓮暫時都係單身。(ig圖片)	(ig圖片)	超雲喺剛過去嘅情人透露冇男朋友，好彩獲朋友送花。(ig截圖)