掃呢頁CODE去手機

2018年3月6日 星期二

過億片酬接《葉問4》!甄子丹密密做狂吸金 __,子丹,葉問,甄子丹,

甄子丹與太太汪詩詩率旗下藝人出席春茗及團拜。「宇宙最強」甄子丹與太太汪詩詩中午率旗下藝人如湛琪清、湯鎮業孖仔湯君慈及湯加耀等,一同出席自己電影公司的春 ...


甄子丹與太太汪詩詩率旗下藝人出席春茗及團拜。


「宇宙最強」甄子丹與太太汪詩詩中午率旗下藝人如湛琪清、湯鎮業孖仔湯君慈及湯加耀等,一同出席自己電影公司的春茗及團拜。詩詩年屆88歲的外婆亦畀面現身,子丹甫見婆婆即擁着對方Sweet爆地說:「我娶到好老婆完全係因為婆婆,係佢同屋企人講我信得過,詩詩先肯嫁畀我,我好多謝佢。」

所有嘢都畀晒老婆

為了今次團拜,近日身在深圳趕戲的子丹連夜趕返香港,「年終無休」的他更表示自去年6月開始,自己無間斷拍戲:「淨係農曆年去咗澳洲4日陪屋企人。依家拍緊嗰部都要快啲埋尾,4月我要交人去拍《葉問4》喇,之後仲有一套西片及另一套電影等緊我,今年起碼拍4套。(冇時間陪太太,點補償?)唔知,但我所有嘅嘢都畀晒佢,我覺得冇嘢緊要得過健康及家人。」

赴美拍外景

子丹以超過1億港元片酬落實接拍《葉問4》,可謂萬眾期待。問到該片籌備進展如何?子丹坦言:「我有同導演葉偉信通過電話,但詳情未知住,暫時只可以話畀大家聽,葉問今次『衝出亞洲』,劇情交代葉問去搵李小龍,會去美國拍外景。(今次係咪冇熊黛林?)呢個肯定,上集佢辭世嘛。(咁你有冇感情線,叫導演幫你搵個紅顏知己?)可以向導演提議吓喎,搵個拖吓手仔。香港影壇咁多靚女,不如你哋(記者)幫我諗諗啦。(叫太太演)咁又唔得,我咁大間公司要佢幫手打理!」

大讚湯鎮業孖仔

另外,子丹對新加盟的湯君慈及湯君耀的表現讚口不絕:「之前同佢哋拍咗部勵志電影,計劃喺暑假前後上映,佢哋好乖嘅、又幾靚仔,希望大家畀多啲機會佢哋。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!