掃呢頁CODE去手機

2018年3月6日 星期二

拍《紅海行動》成本高 林超賢怕血本無歸 __,林超賢,

林超賢為咗套戲去到好盡!電影《紅海行動》的導演林超賢接受電台的電話訪問,他表示電影有很好的回響,感到非常開心,是代表獲觀眾的認同。主持人問到電影於農曆 ...


林超賢為咗套戲去到好盡!


電影《紅海行動》的導演林超賢接受電台的電話訪問,他表示電影有很好的回響,感到非常開心,是代表獲觀眾的認同。主持人問到電影於農曆新年上映,會否怕影響票房?林超賢指雖然新年適合睇啲輕鬆戲,但笑言《紅》勝在有口碑,上映後就有網民討論。他又指今次完夢可以拍攝戰爭片,更自爆拍攝期間發生意外:「拍攝過程唔可以以血汗嚟形容,係力盡艱辛,為想要嘅效果仲愈玩愈大。(聽講拍攝嗰陣都有發生意外?)喺摩洛哥炒車受傷,因為唔鍾意睇住嗰螢幕拍嘢,就喺前線衝嚟衝去,追住個演員嚟拍,要畀反應佢,點知掉頭快咗,搞到頸椎移位,身邊嗰同事都有受傷。」

談及票房,林超賢坦言都會驚及擔心:「套戲成本好高,今次又用咗好多新人,都怕血本無歸。(下次會拍啲咩題材?會再玩啲咩?)呢個都係每次遇到嘅問題,唔知下次可以玩咩,有好多嘢都可遇不可求,之後可能會現實啲。」問到何時會再返回香港執導?林超賢表示一直都有諗故事,但都要看時機,又謂自己始終都是香港成長的導演,所以都會思念香港。


來源 source: http://hk.on.cc
鍾意就快D Share啦!