「宇宙最強」甄子丹連續第六年以「打吡大使」身份出席2018《寶馬香港大吡大賽》獲選參賽馬匹名單公布會，大會安排了幾位幸運粉絲拍打短片向甄子丹提發。問希望在賽馬會擔任甚麼職位？他說：「我覺得騎師同拍戲感受一樣，要用長時間籌劃，當良駒衝刺時就好似電影上映嗰刻咁，呢一刻真係好緊張，好想知成績。（如果做騎師最想訓練邊部分？）好似打功夫咁要腰馬合一，要有好好嘅身段，同埋股肌位置。」最後由老婆汪詩詩問他如果贏了打吡大賽會有甚麼感受和表情？他舉起獎杯說：「我Keep住個杯畀自己，其他獎品會畀晒佢，佢係我CEO（意指太太汪詩詩）。」
面對工作與家庭全力以赴
在受訪期間，談及舉起獎杯的樣子就好似人生勝利組，他直言會好開心，贏獎杯等對自己的鼓勵，要付出才獲得成績，那個時刻是無限喜悅和安慰：「贏咗當然開心，但攞冠軍唔係最重要，而係自己珍惜同享受過程，同人生一樣。（自己都好想拎呢個冠軍？）作為大使我負責為參賽者打氣，自己追求係過程，無論拍電影、處理家庭都係全力以赴，當然希望跑出，但拎第一唔係最重要。」
問老婆為何會在拍片叫他做表情？甄子丹表示事前並不知道她會拍片，感到驚喜：「可能我喺佢面前永遠都係Yes Man，唔知我唔喺身邊時係會點，但無論喺面前同背後都係Yes。（係咪好錫自己良駒？）當然要錫，係自己選擇嘅動物，但都花唔到好多時間去照顧。（有打算抽多隻良駒參與賽事？）都會考慮，但暫時未諗做呢樣嘢，始終自己忙，要再設定一個目標要放好多時間。」
任何節日都會送花冧老婆
問白色情人節會否安排特別節目？甄子丹表示日日都係情人節：「我哋聚少離多，會盡量珍惜一齊嘅時刻，太太成日話我個心放喺電影度，有時我都會覺得做老公或者父親未夠好，好多時佢會快過我諗驚喜出嚟，呢方面要再努力。」
談及上月情人節，他有準備一束花送給老婆，並表示基本上所有節日都會送花，笑言花店很多謝他：「我花好多錢去買花，一年都有十幾次，有生日、中西情人節、聖誕節、母親節、結婚紀念日、婦女節、訂婚嗰日等等，仲有做錯嘢補鑊都要。（呢個次數多唔多？）已經愈嚟愈少。（會投訴你唔夠浪漫？）我覺得一個好愛你嘅女士係會成日投訴，因為佢係好沉醉浪漫嗰個階段，如果老夫老妻個階段就冇咗激情，佢投訴，咁代表佢仲好愛你。（想佢投訴你多啲？）唔好喇，夠喇！依家我啱啱承受到。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|