歌手馬嘉均（Mason）及許芯悅（Katie）將於4月27至29日演出舞台劇，Mason指角色與女生一夜情後，發現手機出現了一個價值699美金的遊戲：「本來唔想玩，後來發覺賺到錢就沉迷咗。呢個遊戲好醜惡，將所有人性都揭露出嚟。」他形容劇本陰暗而刺激，而Katie就飾演善良的女生，笑言純到冇人信：「遊戲入面有60萬獎金，我畀晒Mason，叫佢捐去慈善機構。」Mason自言角色邪惡，會用欺騙手法賺錢或令工作順利，覺得世上所有人都信不過，直至認識Katie就被對方吸引：「劇入面我同黃榕一夜情，兩個女仔性格好唔同，黃榕係性感、誘惑，我周旋喺呢兩個女仔之間。（好有艷福？）係呀，非常之期待！好多人都想做呢個角色，我啲朋友都好羨慕我。」
Mason指角色與自己有共通點，自認貪玩和會說謊：「有時講大話可能會輕鬆好多，做戲就係將自己嘅陰暗面拎出嚟。」他笑言拍拖時會說善意的謊言，自爆前女友曾要求他說謊：「佢鍾意聽，如果可以令人開心，其實係需要。」Katie則認為現實的自己不像角色般誇張地純真，Mason即笑她有時很天真，很易被欺騙。
說到將於台上獻舞台初吻給Katie，Mason直言緊張，Katie卻指他在戲劇班的考試錫過女同學。Mason解釋兩人本來是戲劇班的同學，已學演戲一年多，試過在不同學校進行舞台劇巡迴表演：「我哋當時係男、女主角，希望今次都可以學以致用。我好興奮，有時學校學嘅嘢用唔番，今次就非常實用。」他認為拍情慾戲的問題不大，但在舞台有幾百名現場觀眾就難免緊張：「當時我同Katie唔同班，未有機會錫佢，喺呢個戲第一次錫佢，到時記得影低佢。（好期待？）個角色一定好期待，我代入咗就知。」雖然他未知正式演出時是否要除衫，不過都想練大隻一點，Katie亦笑言一定要做Gym練好身形：「練Pat Pat同腰，可能會騷出嚟，但冇咁誇張嘅！」
許芯悅化妝：King@KingsMakeUp
許芯悅髮型：Bowie@Fifth Salon
馬嘉均髮型：Ming@Corner
馬嘉均服裝：Dusty
場地：White Button Cafe
|
鍾意就快D Share啦！
|
|
|