掃呢頁CODE去手機

2018年3月22日 星期四

唔諗再生住 劉倩婷恨同陳茵媺對親家 __,茵媺,劉倩婷,陳茵媺,

唔知陳茵媺佢哋又點睇呢?!藝人劉倩婷(Sandy)出席慈善活動,她透露最近全家去了泰國旅行,之後忙於準備囡囡的幼稚園入學面試。她表示囡囡比較「黐」老公 ...


唔知陳茵媺佢哋又點睇呢?!


藝人劉倩婷(Sandy)出席慈善活動,她透露最近全家去了泰國旅行,之後忙於準備囡囡的幼稚園入學面試。她表示囡囡比較「黐」老公,所以把入學面試的準備工作都交了老公負責,並由老公陪同囡囡到幼稚園面試。她指自己連任了慧妍雅集的會長,最近忙於籌款晚會的準備工作,稍後又要訂造衣服,所以最近要「食少啲」。

問她替囡囡報幼稚園是否漁翁撒網,她說:「冇呀,我都係報一至兩間。其他家長都有問我驚唔驚,我覺得呢啲嘢係命中註定,好開心囉佢都考入咗一間我哋心儀嘅幼稚園,希望BB讀得開心。(你驚唔驚學校啲老師家長對老公有興趣?)都好喎,爹哋可以代答喎。我個女都好活潑嘅,會同啲小朋友一齊玩嘅。最近囡囡兩歲生日,我幫佢搞咗個生日party,都有請Aimee(陳茵媺)、Mandy(曹敏莉)佢哋帶埋小朋友一齊嚟玩,所以啲小朋友一齊玩得好開心,我會撮合囡囡同Moses(陳豪)嘅大仔做friend先。(你會唔會想同Aimee睇齊生夠3個?)我會學習生住1個先啦,我問佢生唔生第四個,佢話我仲有三個要追喎。我諗暫時未生住啦,因為見到佢哋好叻,犧牲好大。我首先要完成咗慈善工作先,之後再諗生唔生。(係咪等囡囡大個啲先生?)等佢入咗幼稚園,再睇吓自己能力先,同埋等卸任後先有時間造人。」


來源 source: http://hk.on.cc
鍾意就快D Share啦!