網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月12日 星期一

李靜儀去巴黎時裝周遇打鬥事件:驚打埋我 __,

聽落好似真係好危險啵…女子組合SuperGirls成員李靜儀(Heidi)與藝人廖子妤(Fish)出席化妝品活動,Heidi剛參加完巴黎時裝周返港,她 ...


聽落好似真係好危險啵…


女子組合Super Girls成員李靜儀(Heidi)與藝人廖子妤(Fish)出席化妝品活動,Heidi剛參加完巴黎時裝周返港,她透露在當地第一次遇到恐怖經歷:「我坐嗰架車嘅司機駛到一個廣場嘅時候,突然落車同個年青人打交,我估佢係覺得個年青人阻街,叫佢行開,跟住就打起嚟,司機畀人打到爆晒缸,仲打到碌咗入架車嘅前座入面,我有一刻真係好想落車,因為我好驚,但同車嘅造型師叫我唔好落車,話個司機好慘,已經畀人打,如果冇埋個客就好慘,後來打完,個年青人走咗,個司機仲喺車尾箱攞咗個士巴拿出嚟想追個年青人,但對方走咗好遠,所以冇追,之後個司機一邊流住血,一邊車我地去目的地。我見到佢哋打交,我仲驚過畀人打刧,因為我好怕有傷亡,我好怕會傷及無辜,打埋我,我仲要趕住去做嘢。」Heidi稱當地治安一般,事後該司機告訴她這很平常,還反問香港是否一樣。不過Heidi表示此行也有開心事:「最開心係我生日嗰日巴黎落雪,話20幾年來巴黎未試過二月尾落雪。」

望做馬來西亞大使

至於Fish早前返回家鄉馬來西亞過新年及為當地的電影頒獎禮擔任頒獎嘉賓,她坦言:「所有嘢都好新奇,因為我未試過入頒獎禮後台,其實香港同馬來西亞喺電影上有好緊密嘅合作,現場有好多唔同國家嘅電影人,我仲見到李心潔,希望將來好似佢咁做馬來西亞大使,宣傳自己國家,又或者將香港嘅好帶去馬來西亞。我媽咪經常都會問我香港人係咪好惡好奸㗎?其實我喺香港咁多年,受到好多人對我嘅好,我覺得香港人係外冷內熱,而且比較慢熱,但工作好專業,我好鍾意咁樣,因為太熱情反而會嚇親我。」


來源 source: http://hk.on.cc
鍾意就快D Share啦!