掃呢頁CODE去手機

2018年3月9日 星期五

【關公出動】 大台fb出po代錢嘉樂公佈喜訊?湯盈盈:They made a mistake __,大台,湯盈盈,錢嘉樂,盈盈,TVB,

錢嘉樂同湯盈盈已育有兩個囡囡,會唔會追番個仔呢!大台嘅fb之後重新上載短片,仲將條題改埋㖭!(網上截圖)最近娛圈有好多藝人宣佈「分訊」,好似李彩華就宣 ...




大台嘅fb之後重新上載短片,仲將條題改埋㖭!(網上截圖)

最近娛圈有好多藝人宣佈「分訊」,好似李彩華就宣佈同拍拖三年嘅何遠恒分手,姚子羚前日又宣佈同拍拖三年嘅男友鄭子邦分手,今日再傳出羅天宇同湯洛雯分手,So sad...但今日就有一單喜訊傳出,就係話42歲嘅湯盈盈再度有喜,真係可喜可賀呀!

是咁的,噚日無綫嘅fb專頁入面,上載咗一段盈盈同兩個囡囡Alyssa(錢凱晴)同Kassidy(錢凱琪)嘅短片,但標題就寫住「恭喜盈盈再度懷孕」,旋即引起大家嘅熱烈討論,正當大家等緊主人家親自公佈好消息嘅時候,大台突然將短片刪除,不久就換上另一標題「湯盈盈親子速遞」,但影片就冇變。

咁究竟發生咩事呢?湯盈盈以英文回覆傳媒就話:「Not true. They made a mistake. I’m not pregnant.(不是真的,他們弄錯了,我沒有懷孕。)」

精選娛聞,喺晒《娛果》

http://fb.com/appledailyent




鍾意就快D Share啦!