掃呢頁CODE去手機

2018年3月9日 星期五

【碌爆人情卡勁懷舊】陳禛Rap成首歌勁唱得 親吻祥仔面珠 __,祥仔,黎耀祥,陳禛,阮兆祥,

除咗超級英雄,祖藍又要扮番「慳啲啦baby」。攝影:仇志德又返嚟喇…王祖藍、阮兆祥同李思捷呢個「福祿壽」組合,又喺紅館登場。見住佢哋一身超級英雄造型, ...




又返嚟喇…王祖藍、阮兆祥同李思捷呢個「福祿壽」組合,又喺紅館登場。見住佢哋一身超級英雄造型,有冇趣?咁如果又翻炒「慳啲啦baby」又夠唔夠好笑?呢次演唱會,入座率近九成,年齡層就高咗啲啲,大約喺60歲左右。

福祿壽扮完英雄又扮廣告,返番去正題,即係唱歌。王祖藍着起大戲衫,同班小朋友一齊耍纓槍同唱汪明荃嘅歌,唱完仲向歡眾介紹坐喺觀眾席嘅汪阿姐;而祥仔就扮番早前成功喺日本翻hit嘅《跳舞街》,佢同班dancers着番80年代造型一齊跳;李思捷就捉咗一位女觀眾上台同佢合唱《相思風雨中》。

祥仔之後同陳國邦、羅敏莊囡囡陳禛合唱《廣播道Fans殺人事件》,陳禛好唱得,識得rap晒成首歌,觀眾好好反應,臨唱完仲錫祥仔面珠一啖。福祿壽再同台合唱《傷感的戀人》,邊唱邊介紹嘉賓原唱嘅黃凱芹(Chirs)出場,四人一齊合唱。Chirs話同祥仔以前喺電台已經識,其他兩人就話細細個聽Chris嘅歌。跟住到嘉賓關菊英出場,同李司棋同祥仔三人台上吹水,然後到菊姐唱《講不出聲》。

三個人又喺台上講311補選,祥仔話要投新民黨、祖藍話要投民主黨,李思捷話要投處女黨。不過依家處女黨不再,鍾嘉欣又再生多個,岑麗香王君馨嫁咗等生,仲有個李亞男都係等生,李思捷喺隔離問「生咗未生咗未?」祖藍就自嘲話:「聽講佢老公唔係好得。」然後再講到要幫處女黨選新成員,喺螢光幕上分別播出米雪、利敏貞同陳凱琳嘅相,話要選佢哋,講完一輪就再唱《迷人pink lady》。

喺獨唱環節,祖藍戴住青蛙帽、著上閃閃王子衫唱《青蛙王子》,話要送俾好高嘅老婆李亞男。祥仔獨唱《被遺忘的時光》、《細水長流》、《後來》、《聽海》同《你是你本身的傳奇》。之後梁家輝同祥仔合唱《Tell Luara I Love Her》,家輝上台後觀眾不停拍掌,佢話阿爸阿媽已經移民加拿大好耐,仲話媽媽老到就嚟行唔到,都要飛十幾個鐘頭返嚟睇佢哋唱歌。

精選娛聞,喺晒《娛果》

http://fb.com/appledailyent


鍾意就快D Share啦!