掃呢頁CODE去手機

2018年3月21日 星期三

【咁化學?】一條頸巾KO港鐵扶手梯 陳小姐:鋼片真係斷咗 __,港鐵,

港鐵發生扶手電梯爆開意外!今晨10時許,乘客陳小姐在觀塘港鐵站,乘搭近APM的一條扶手電梯上月台後,在候車期間,突聽到扶手電梯傳來「嘭」一聲巨響,她即 ...




港鐵發生扶手電梯爆開意外!今晨10時許,乘客陳小姐在觀塘港鐵站,乘搭近APM的一條扶手電梯上月台後,在候車期間,突聽到扶手電梯傳來「嘭」一聲巨響,她即時查看,發現扶手電梯其中一級的鋼片爆開,零件散開,出現長方形「大窿」,她登時嚇得目瞪口呆。有乘客搭扶手電梯剛上到月台,梯級便即刻爆開,「嘩,我都係差一步咋」,幸事件最終沒有人受傷,陳指當時職員就在附近,「行埋去好快停低電梯,下面啲人冇上嚟,前面亦冇人受傷。」

陳小姐形容扶手電梯爆得「好勁」,其他乘客議論紛紛,她憶述時仍猶有餘悸,「鋼片真係斷咗,仲彈一彈,有個窿,職員揭起塊板,發現板下有條頸巾,應該係頸巾繞實咗下面啲機件,唔知點解令佢爆開,因為卡住咗。原來頸巾跌咗都咁大件事。」

「我當時以為係機件故障,機件故障就賴承建商,原來係人為,每一個人都有機會令呢啲事情發生,所以要小心啲,好彩港鐵職員已在附近,好快處理,有乘客剛上咗去月台,就嘭一聲,我都叫嗰個人還神,佢只差一步咋!我好想大家警惕下,電梯事件好易發生,真係好危險,我估唔到真係爆得開,如前面有人kick到條頸巾,後面有小朋友就好危險,我想大家知道潛在的危險。」

意外後,港鐵封鎖該條扶手電梯,暫時不再開放,並在梯級鋪上綠色帆布預備維修。《蘋果》正向港鐵查詢有關事件。

你敢爆,我敢獎! 即Call《蘋果》24小時爆相爆片熱線63836568

扶手電梯梯級爆開,可見有頸巾卡在梯級邊。(讀者陳小姐提供) 扶手電梯梯級爆開,可見有頸巾卡在梯級邊。(讀者陳小姐提供)
零件散在地面(讀者陳小姐提供)
(讀者陳小姐提供)
港鐵在意外後封鎖電梯。(劉永明攝)
(劉永明攝)
(劉永明攝)

鍾意就快D Share啦!