掃呢頁CODE去手機

2018年3月21日 星期三

豪門新抱回味影壇軼事謝玲玲被加工全裸戲 變荷李活Cult片天后 __,謝玲玲,

■息影多年的台灣女星謝玲玲,舊作《虎鶴雙形》在美國改名《醬爆武林》上映,因而變成cult片天后。攝影:林德雄【閃耀人生女人心 謝玲玲系列之2 揚威國際 ...




【閃耀人生女人心 謝玲玲系列之2 揚威國際】謝玲玲與林建岳離婚後,被林母稱讚為「永遠媳婦」,原為台灣女星的謝玲玲息影多年,現年61歲依然風華絕代,童星出道的她戲路都是走玉女風格。謝玲玲接受本報《女人心》系列專訪,驚爆她主演的《虎鶴雙形》被荷李活導演相中改編成《醬爆武林》,更慘被「加戲」,剝胸圍全裸大解放,玉女變成荷李活cult片天后。

年僅7歲已入行的台灣女星謝玲玲,拍處女作《婉君表妹》獲金馬獎最佳童星獎,從影15年雖然作品逾30部,但在02年忽然升呢變荷李活女星,更被封cult片天后。日前謝玲玲接受《蘋果》專訪細訴那些年拍戲的日子,她在76年拍攝由王羽執導的電影《虎鶴雙形》,在02年被《神探飛機頭》續集導演史提夫奧狄卻克(Steve Oedekerk)買入版權,並用電腦加工,改名為《醬爆武林》(Kung Pow Enter The Fist),當年在美國票房有1,600萬美元(約1億2,500萬港元)。

忽然升呢做荷李活女星的謝玲玲,在戲中的她更被導演「加戲」,無厘頭除bra大解放,變了露背全裸性感演出。謝玲玲親揭玉女變艷星的真相:「男主角其實係王羽,佢哋將王羽嘅戲全部抽起,換咗一個美國演員,我都唔知叫做乜名(即導演史提夫奧狄卻克),其實佢哋加咗啲戲,好似我打開件衫,嗰個身材咁好嘅,唔係我嚟,但係其餘正面嗰啲係我。」



《醬爆武林》
■《醬爆武林》加工令謝玲玲除bra戲份,她笑說:「嗰個身材咁好嘅,唔係我嚟。」劇照
劇照

買DVD留念

對於被強加性感戲,謝玲玲一笑置之:「我朋友啲孫生日會就一齊睇呢齣戲,大家咔咔大笑,嗰陣呢套戲唔係笑片,係功夫片,虎鶴雙形拳鬥邊個贏,佢加咗好多漫畫、好笑嘅嘢,嗰陣我同屋企人講笑,係唔係應該同佢哋攞番版權。」謝玲玲還特地在美國買了DVD留為紀念。

而另一部同是76年拍攝、陳洪民執導的《戰神》,後期同樣變成cult片,甚至更被封為「cult片之王」,這部電影於香港上映時改名為《香港大災難》,但被網民現統稱為《關公大戰外星人》,八年前導演彭浩翔到台灣買下原裝孤本,並拿拷貝到泰國做數碼修復。劇情講及外星人在港九大肆破壞,連尖沙嘴鐘樓亦被連根拔起,最後要關公打救港人,謝玲玲在戲中飾演雕刻關公像的失明雕刻家女兒。



《關公大戰外星人》
■《關公大戰外星人》中,除了關公與外星人打鬥外,謝玲玲亦失驚無神有游水戲份。劇照
劇照

等睇修復版

謝玲玲無心插柳下成為cult片天后,她笑說:「拍嗰時同出街係完全唔同,我哋係唔知,做雕刻家個女,個雕刻家去雕刻個關公,嗰陣時最記得去學電單車,我到𠵱家都有嗰個印象,去小學學校學揸電單車,當時20歲左右,景係香港,其實喺台灣拍,唔係神怪片,係合成特技片,今時今日睇返都係天馬行空。」

當時陳洪民導演有否解釋如何拍攝?她說:「拍戲嗰陣係一段一段跳拍,淨係知自己嗰part,同埋以前比較後生,如果𠵱家再做,我會搞清楚故事。」問到會否期待修復版?謝玲玲說:「我朋友前幾年喺網上睇過呢齣戲,畀我睇咗,到修復咗會去戲院睇番,睇番自己後生細個,都會有啲回味。」

採訪:梁錦雯

場地提供:Beefbar




鍾意就快D Share啦!