今日於灣仔會展舉行的影視展中的「燎原計劃」電影戰略發布會，出席包括《十噸刺客》張晉、蔡少芬，《顏位當潮》王祖藍、趙勁浩，《最強老爸》吳宗憲，《角頭》連 ...
今日於灣仔會展舉行的影視展中的「燎原計劃」電影戰略發布會，出席包括《十噸刺客》張晉、蔡少芬，《顏位當潮》王祖藍、趙勁浩，《最強老爸》吳宗憲，《角頭》連凱、高捷，尹子維丶吳志雄；《狂拳》李元霸、陸駿；仲有《西謊遊記之唐僧踩錯界》麥長青、林耀聲、郭思琳、岑日珈。
張晉兩公婆一齊拍咗套《十噸刺客》，原來今次係佢兩公婆第二次合作拍戲，至於第一次就已經係耐到記唔起。張晉話今次兩人有打戲，感覺幾意外，估唔到老婆都handle到：「佢嘅演出係出乎我意料之外。」
之前張晉喺台上打趣謂太太係佢拍動作片嘅前輩，因為蔡少芬拍戲嗰陣佢都未入行。「香港演員做過TVB，都會識拍動作片，因為已經有基本功，唔會唔郁得，好似梁朝偉先生、劉德華先生，唔會唔郁得。我見梁朝偉先生拍《一代宗師葉問》，好明顯唔係淨係做一啲簡單嘅動作。」
講番今次同太太合作啦，張晉形容係「可遇不可求」，又指劉鎮偉導演係同一時間搵佢哋，明示絕對唔係「買一送一」。佢又話戲中有個仔，算係滿足咗佢嘅願望，蔡少芬一聽到問：「下？你好想滿足啲咩？」傳媒即問張晉係咪想追個仔？張晉即答：「佢想我都唔想呀！」
蔡少芬就話拍其中一場戲時唔小心飛咗把槍出去，爭啲打中老公，好彩張晉避得快，佢自己都忍唔住尖叫。蔡少芬又話，有場戲係佢同張晉係背對背打，但老公完成晒動作之後佢都未完成，一時太快一時太慢，但拍戲期間兩公婆冇嘈過，反而戲裡戲外互相指正教導，仲話日後再合作都冇所謂。
| 攝影：林賓尼 |  有場戲係佢同張晉係背對背打，但老公完成晒動作之後佢都未完成，一時太快一時太慢。 |
|
| 張晉話戲中有個仔，算係滿足咗佢嘅願望，蔡少芬一聽到問：「下？你好想滿足啲咩？」 |
