掃呢頁CODE去手機

2018年4月10日 星期二

30年來演活色魔戇男冇位上51歲李家聲有火離無綫 __,無綫,

【店外煲煙】■打算約滿後離開無綫的李家聲日前在中環買電話,其間兩度走出店外煲煙。讀者提供圖片【爆相爆片】近年不少資深藝人轉行覓出路,現年51歲的李家聲 ...


【店外煲煙】

■打算約滿後離開無綫的李家聲日前在中環買電話,其間兩度走出店外煲煙。讀者提供圖片

【爆相爆片】近年不少資深藝人轉行覓出路,現年51歲的李家聲入行30年演過無數角色,由強姦犯、智障人士及戇男都能演活,不過今年9月約滿無綫的他打算離巢,全因為演出機會買少見少,欠缺發揮機會冇位上,加上沒有經濟壓力無後顧之憂。萌生去意的李家聲日前就被本報讀者透過「爆相爆片」,影到他一臉𤷪𤺧和老婆現身中環。

李家聲參加87年第13期藝訓班入行,同學有鄭伊健和謝天華等,不過51歲的李家聲多年來演過無數劇集、電影,包括在電影《屯門色魔》及《仁心解碼II》中演變態色魔,而電視劇《封神榜》的雷震子、《阿旺新傳》的賓佬都演得入型入格,可惜他未能彈起上位做一線。



■李家聲在《仁心解碼II》捉石天欣上天台強姦,令人心寒。劇照
■入行30年,李家聲在電影《屯門色魔》的變態色魔角色深入民心。劇照
■李家聲(右二)演活了《封神榜》的雷震子。劇照

喜歡指點新人

李家聲一向喜歡指點新人,最經典要數04年拍《學警雄心》時被指經常寸爆薛凱琪(Fiona),拍煞科戲時見Fiona做訪問,他中途突闖入說:「做乜訪問呀?又講你啲歌唱事業呀?」令Fiona十分尷尬。不過近年李家聲有份參與的劇集買少見少,最近接演《金宵大廈》也只能演其中一個單元的小角色,故開聲教後輩的機會亦越來越少。他日前接受傳媒訪問時透露:「我9月約滿無綫,都考慮離開,我都半退休應該都唔制(唔續約)。」他又說:「我哋嘅存在係幫公司,但冇位畀你做都冇辦法,我覺得唔好玩,冇嘢發揮,咁都要諗吓其他。」



■51歲的李家聲身形依然很弗,自言心態只有30多歲。微博圖片
■李家聲當年讀藝訓班,同學有鄭伊健和吳婉芳等。資料圖片

坦言樂見新人受教的李家聲又謂:「我教人都有樂趣,教多一個多一個,又帶唔到落棺材,但你唔擺我落去(劇集),我想講都冇得講,我都係想部劇出嚟好睇,唔想倒退咁核突。」

由於李家聲沒有子女和經濟壓力,所以自言已經半退休,惟他承認心裏對演戲仍然有團火,他表示:「我雖然就快52歲,但心境都係30幾歲,如果突然畀我做個一線位,我話一定得,因為仲有氣有力,但人講命運,唔一定靚仔就飛黃騰達,唔可以用咁嘅心態困住自己,總之我知自己係level5最top嗰個就OK。」



【買完閃人】

■買完電話,李家聲和老婆齊齊離開。讀者提供圖片
【大發脾氣】

■李家聲離開時突然表現𤷪𤺧,疑似喝老婆「行呢邊」。讀者提供圖片

有過度活躍症

另外,本報讀者張先生日前透過「爆相爆片」分享他在中環一間電訊公司遇見李家聲的相片,張先生說:「見佢同個戴住口罩嘅女人一齊,好似佢老婆,李家聲同sales講嘢時個樣𤷪𤷪哋,喺間舖逗留咗近半小時,其間兩次走出店外煲煙,離開時突然停低半蹲彈番起身,個樣有啲𤷪𤺧,疑似喝住老婆『行呢邊』,之後兩人就一齊離開。」

採訪:嵐山




鍾意就快D Share啦!