現年77歲嘅香港電影海報教父阮大勇，70年代開始為《天才與白痴》、《半斤壬八両》、《猛龍過江》、《死亡遊戲》等經典電影繪畫海報，生平事跡被拍成紀錄片《海報師：阮大勇的插畫藝術》，去年香港電影金像獎更頒贈專業精神獎，向阮老師致敬。
77歲的阮老師鮮有談及愛情生活。07年喪偶後，阮大勇原沒打算再有第二春，直至45歲酒店公關、亦即酒店市場傳訊總監Virginia許慧韶在他生命中出現之後，令老師生活從此不一樣。
阮老師為了追求比自己年輕31年的靚女公關，足足花了一年時間，結果今年一月以誠意感動到Virginia做女朋友，拍拖三個月後，上星期五求婚成功。阮大勇果然老而彌堅。
大前晚阮老師跟Virginia在阮老師位於赤柱新開的「海報師」畫廊，細說兩個人由師生，變成戀人，再變成未婚夫婦經過。
Virginia說前年自己有個女性朋友欣賞完《海報師》之後，十分感動，想透過Virginia相約阮老師、在12月26日去南丫島試自己整嘅寧波菜：因為這位女性朋友與阮老師都是寧波人。
於是，Virginia就膽粗粗幫朋友試用fb聯絡老師，老師最初請她「食檸檬」，但經過Virginia多番努力，阮老師最終帶同女兒及兩個fans赴約。
阮老師話：「我好多謝facebook，冇facebook冇呢段婚姻。」
原來南丫島之後，阮老師透過fb同Virginia做朋友，成日透過messenger傾偈。Virginia說：「佢同我爸爸同年，我就同佢個女同年，大家相差31年，我覺得佢好似我爸爸。我爸爸成日唔喺我身邊，媽咪都係，我幾缺乏家庭溫暖，佢好識同我溝通，佢又覺得佢個女冇同佢溝通，變咗我哋變咗有少少『爸爸囡囡』咁傾，好傾得埋。」
至於阮老師呢，他說兩人通過fb傾談後，覺得Virginia是個率直爽朗的人：「第二次同佢飲茶之前，通過fb，我已經對Virginia有好感，心入面已經傾慕佢。我一直收喺心入面。」
「我大佢咁多年，成功機會係好低，唯一可以做嘅，係messenger傾吓偈，有機會就約佢出嚟飲吓茶。Virginia鍾意食嘢。」阮老師說。
有次，兩人由天樂里行到西環食炸魚薯條。阮老師事後憶述：「對我呢個年紀嚟講，由天樂里行去西環，真係唔近嘅。我知成功機會率好低，但都希望接觸多啲囉。嗰時我唔係同佢拍拖，佢真係當我長輩。我心入面係鍾意佢，但知道冇乜可能。
「大31年，真係唔係講笑，所以我唔好意思好明顯表示，總之佢得閒肯出嚟行吓街傾吓偈……想成日見到佢。」
女人觸覺好敏銳，未幾Virginia察覺到阮老師有追求之意，反應是即刻落閘：「因為佢年紀，我唔想嚇到人心臟病，因為我脾氣唔係咁好，所以我開始feel到佢有少少鍾意我嘅時候，我好抗拒，佢講乜我就話唔得、唔得閒，由好好朋友變咗乜都no，令佢好唔開心。」
去年6月，阮老師隨《海報師》去西班牙參加影展前，Virginia向阮老師明言不適合對方，阮老師深受打擊：「嗰陣我經歷人生最低潮，但我最後盡我力量，希望佢回心轉意。我去到西班牙心情好差，但覺得仲有一線希望，所以去到西班牙我都買啲紀念品返嚟，睇吓仲有冇機會。」
「攤牌」後第二個，即去年7月5日，是Virginia的45歲生日，阮老師嘗試再約對方食飯見面，一約就約了兩個月，直至9月9日，Virginia終肯食飯見面。究竟這兩個月是如何打動Virginia？又係facebook，仲玩埋instagram。
原來阮老師不停在Virginia社交網俾like俾反應，打動女方，首肯相約見面。阮老師說：「我係朝早講早晨，夜晚請安。我一路堅持，佢fb post啲嘢出嚟，我梗係like啦。」Virginia就說：「最令我感動係，佢其實唔識instagram，但佢開咗個ig，like我啲相又留言。我覺得不如做番朋友啦，我唔想傷害個長輩。」
當日飯局上，從來冇教過學生嘅阮老師，為咗接近Virginia而主動話要教Virginia畫畫，他說得坦白：「我從來唔教人，因為我真係唔識教人，我係為咗接近佢，但佢一直話no。」阮老師讚Virginia有藝術天份，喺阮大勇遊說下，Virginia終於成為阮老師第一位徒弟，兩個人周末周日在維園公園畫畫。
畫畫過程中，Virginia感到阮老師的真誠。今年1月，兩人跟一位女性朋友入赤柱玩，Virginia見到現今「海報師」畫廊前址，環境很漂亮，阮大勇就決定租落嚟開畫廊，同Virginia一齊落手落佈置。
開畫室主要也是為了追求Virginia？阮老師笑笑口承認：「好大部份都係……」
|
鍾意就快D Share啦！
|
|
|