掃呢頁CODE去手機

2018年4月2日 星期一

【獨家】梁洛施帶囝囝返港食自助餐 四眼男殷勤遞餐 __,梁洛施,

現年29歲嘅梁洛施(Isabella),自從2011年,同「小小超」李澤楷分手後,就專心喺外國照顧3名兒子,不時被發現帶囝囝返香港,有傳係定期返港探爺 ...


現年29歲嘅梁洛施(Isabella),自從2011年,同「小小超」李澤楷分手後,就專心喺外國照顧3名兒子,不時被發現帶囝囝返香港,有傳係定期返港探爺爺李嘉誠。( 新聞連結: https://bit.ly/2J6z6SN )

噚日傍晚讀者陳小姐透過「爆相爆片」話喺灣仔君悅酒店見到Isabella,陳小姐指Isabella好照顧小朋友,同枱仲有個40歲左右嘅四眼男,打扮成熟。四眼男同Isabella有講有笑,仲好照顧小朋友同梁洛施,又幫Isabella拎食物,大獻殷勤,不過呢位四眼男睇落唔似係之前被雜誌喺圓方影到嘅新歡。(新聞連結:https://bit.ly/2BkVbs8)

《蘋果》記者之後喺君悅酒店見到Isabella,當時佢食得好開心,心情勁靚,專攻甜品,蛋糕、曲奇乜都有,試咗好食嘅仲向朋友介紹一大輪,開心係要share嘅,所以Isabella選擇咗搣出嚟同俾人食。Isabella食食下又坐喺位打住拍子咁擺動身體,小朋友就鍾意玩,食飽咗冇乜點食過甜品,好多時間都係玩電話。

一行七人最後食到大約10點左右離開酒店,Isabella即督促囝囝上車,自己就殿後。

精選娛聞,喺晒《娛果》

http://fb.com/appledailyent



(攝影:孔志豪、畢紹基/右圖:讀者提供圖片)
讀者陳小姐噚日見到Isabella食自助餐,仲話同行嘅四眼男大獻殷勤。(讀者提供圖片)
Isabella心情幾靚,同朋友都有講有笑。
Isabella食到尾聲專攻甜品,有好食嘅仲會share俾朋友。


一行七人最後食到大約10點左右離開酒店。
Isabella離開時督促囝囝上車,自己就殿後。

鍾意就快D Share啦!