掃呢頁CODE去手機

2018年4月2日 星期一

阿姐破禁現身ViuTV羅家英潤無綫唔小器 __,阿姐,無綫,ViuTV,Viu,羅家英,汪明荃,

■汪明荃昨日破禁現身ViuTV探老公羅家英班,林敏驄搞鬼欲黐ViuTV貼紙在阿姐頭上整蠱她。現年70歲、效力無綫46年的鎮台之寶阿姐汪明荃,今年初在台 ...


■汪明荃昨日破禁現身ViuTV探老公羅家英班,林敏驄搞鬼欲黐ViuTV貼紙在阿姐頭上整蠱她。

現年70歲、效力無綫46年的鎮台之寶阿姐汪明荃,今年初在台慶頒獎禮上發表山頭論,為藝員同事們出頭向公司發聲,敢作敢為的阿姐,昨日更無懼觸怒方丈,破禁現身敵台ViuTV探班撐老公羅家英,在錄影廠內大方任影,羅家英更潤無綫:「或者佢唔小器呢!」

汪明荃在電視圈地位舉足輕重,為無綫拍過多部收視爆燈的經典劇集,包括《倚天屠龍記》、《千王之王》、《家變》、《萬水千山總是情》、《京華春夢》等,被封為無綫鎮台之寶,曾憑《婚前昏後》和《我的野蠻奶奶》兩度獲封視后。不過,由於近年無綫頻傳高層惡鬥,甚至有傳藝員變成派系鬥爭犧牲品,今年初阿姐出席台慶頒獎禮時,敢言的她就發表山頭論為藝員發聲,昨日更破禁現身敵台ViuTV,為老公羅家英有份參與的節目打氣。

ViuTV全新大型遊戲節目《Good Night Show全民星戰》昨在邵氏影城錄影,主持人包括梁漢文、林敏驄、黃心美等,嘉賓是羅家英和李子雄,昨日ViuTV安排記者到錄影廠探班,赫然見到阿姐陪老公羅家英現身。由於早前家英哥才做白內障手術,問到阿姐是否擔心老公才做「跟得夫人」?家英哥就解釋因為阿姐胞弟及弟婦由美國返港,他們在活動前一齊飲茶,之後就說:「不如去睇吓羅家英」,所以造就阿姐大駕光臨敵台ViuTV活動。



■阿姐帶由美國返港的胞弟及弟婦,到ViuTV探羅家英。
■身為無綫鎮台之寶的阿姐破天荒現身敵台,林敏驄都表現興奮。
■阿姐婉拒接受記者訪問,影完相即閃人,家英哥潤無綫唔會小器。

羅太身份

身為無綫鎮台之寶的阿姐,大方在錄影廠內任記者拍照,不過由於「方丈份人好小器」,阿姐亦識造婉拒記者訪問要求:「唔好啦,你哋講啦。」但反斗的林敏驄卻整蠱阿姐,不停出手欲將ViuTV貼紙黐在阿姐身上,事後問阿驄怕阿姐嬲嗎?他說:「怕乜呀?我哋識咗八十幾年。」家英哥亦不擔心阿姐被影響:「阿驄呢啲低B嘢,點會影響到人吖?睬佢都儍!佢係人都玩,唔分大細,所以都由得佢。」李子雄亦補充說:「知阿驄係冇惡意嘅。」

阿姐大方讓傳媒拍照後離去,家英哥錄影後再接受訪問,對於阿姐突然踩場,他笑說:「今日發生咗少少意外,突然之間有個人嚟探班,嗰個人就係羅汪明荃,佢係某公司嘅高層,驚某公司會問點解佢會嚟探班。其實今次係以羅太嘅身份,亦都係以明星足球隊名譽會員嘅身份嚟探班,冇乜問題吖!佢又冇做訪問,只係影張相箒,加上係一家人,佢細佬喺美國返嚟,我好少喺香港上節目,佢嚟探班同我打氣囉!」



■今年初阿姐出席台慶頒獎禮,為藝員出頭寸無綫山頭文化。

探班打氣

問到會否擔心無綫小器?家英哥夭潤說:「唔講呢個喇,我唔講無綫。咁或者佢唔小器呢,係我哋驚箒。」家英認為演藝界要和和氣氣,百花齊放:「你幫吓我,我幫吓你,冇乜問題吖。」

此外,家英哥透露會跟阿姐到俄羅斯睇世界盃:「佢鍾意睇我踢波,試過佢睇我踢波時,問我點解唔用腳踢,要用手,其實係因為我擲界外球;佢以前鍾意同施南生打羽毛球,𠵱家鍾意跳舞、健身、行路。」

採訪:黃曉妍

攝影:陳俊強




鍾意就快D Share啦!