掃呢頁CODE去手機

2018年4月4日 星期三

追求音樂夢!謝安琪感謝父母默默支持 __,謝安琪,

Kay為印度電影獻唱港版主題曲。藝人謝安琪(Kay)最近為印度電影《打死不離歌星夢》(SecretSuperstar)獻唱港版主題曲《歌聲如初》。原來 ...


Kay為印度電影獻唱港版主題曲。


藝人謝安琪(Kay)最近為印度電影《打死不離歌星夢》(Secret Superstar)獻唱港版主題曲《歌聲如初》。原來Kay是印度男星兼電影男主角阿爾米汗(Aamir Khan)的影迷,她敬佩對方的作品有着對社會的觀察及勇於發聲。電影講述印度少女夢想成為歌手但遭到父親反對,幸得母親暗中支持而圓夢,Kay表示看電影及唱主題曲時,不禁想起媽媽對她入行的默默支持:「我媽咪係傳統又害羞嘅媽媽,當日發現個女28歲,有英文教師唔做、走去做音樂,但係佢冇畀阻力我,佢覺得我咁大個,既然有自己想追尋嘅意義,你咪去試吓囉。我覺得呢個反應已經係最好,唔過份熱心、或者太關心,畀好多空間我去試,已經好感激、好欣賞我媽媽。」Kay指媽媽的簡單善良是她遇上風雨時最大支持。

父母冇反對

雖然謝媽媽表面上沒有反對,但內心卻擔心女兒被誤墮騙局,Kay笑言:「爸爸、媽媽出奇地都冇反對,媽媽話咪試吓玩幾年,人生咁長,畀三五年去做自己想做嘅嘢,我真係覺得佢好大方。後來知道其實佢好擔心我畀人呃,佢驚一個年紀都唔細嘅人、畀人邀請去做音樂,係咪騙局嚟㗎。」被問到假如女兒日後想做歌手會否反對﹖Kay說:「我媽媽已經係一個好例子,當年有好多擔憂,但會喺旁邊觀察唔出聲。我諗我都係差唔多,自己小朋友仲細,都仲未想像到佢有咩夢想要追尋。」

場地:frenzimusic

服裝:Maje

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!